అంతుబట్టని విషయాలు ప్రపంచంలో ఎన్నో ఉంటాయి.వాటి గురించి ఎంతగా ఆలోచించినా బుర్రలు బద్దలు కొట్టుకున్నా సరే అసలు విషయం తెలియదు.
అంతేకాదు అలాంటి విషయాల గురించి కుప్పలు తెప్పలుగా రకరకాల కధనాలు ప్రాచుర్యంలోకి వస్తాయి.ఇప్పుడు అమెరికాలో ఇలాంటి ఘటనే చోటు చేసుకుని.
ఈ ఘటన ఎలా జరిగిందో అంటూ అందరూ జుట్లు పీక్కుంటున్నారట.
అమెరికాలోని వాషన్ ఐల్యాండ్ లో సైకిల్ ట్రీ అనే చెట్టు ఉంది.
ఈ చెట్టు యొక్క ప్రాముఖ్యత ఏమిటంటే.ఒక సైకిల్ చెట్టు మధ్యలో ఎవరో పెట్టినట్టుగా చెట్టులోపలి అతుక్కుని పోయి ఉంటుంది.
అంత పెద్ద చెట్టు కాండం మధ్యలో ఈ సైకిల్ ఎలా వెళ్లిందనేది ఇప్పటి వరకూ ఎవరికీ అంతుబట్టని రహస్యంగా మిలిగి పోయింది.ఆ సైకిల్ ఎవరిదీ, అక్కడికి ఎలా వచ్చింది అనే ప్రశ్నలు అందరిని ఆలోచింప చేస్తున్నాయి.
ఇదిలాఉంటే ఈ సైకిల్ ట్రీ విషయంలో ఓ కధ స్థానికంగా వినిపిస్తూ ఉంటుంది.ఈ ప్రాంతంలో ఒక చిన్న కుర్రాడు ఉండేవాడట.అతడు ఒకానొక సమయంలో యుద్ధంలో పాల్గొన వలసి వచ్చిందని, ఈ క్రమంలోనే తన సైకిల్ ని అప్పట్లో ఈ చెట్టుకు కట్టి వెళ్లిపోయాడని, అతడు తరువాత ఆ ప్రాంతానికి రాకపోవడంతో ఈ చెట్టుతో పాటు సైకిల్ కాండంలోకి వెళ్లి ఎదుగుతూ ఉండిపోయిందని అంటుంటారు.ఏది ఏమైనా ఈ సైకిల్ ట్రీ ఆప్రాంతంలో బాగా ఫేమస్ అయ్యిపోయింది.
