లండన్ లో హైదరాబాదీ యువకుడు దారుణ హత్యకు గురయ్యాడు.లండన్ సూపర్ మార్కెట్ కేఫ్ లో పని చేస్తున్న హైదరాబాద్ కు చెందిన మొహమ్మద్ నజీముద్దీన్ అనే వ్యక్తి ని అతడితో కేఫ్ లో పని చేసే మరో వ్యక్తి హత్య చేసినట్లు అధికారులు భావిస్తున్నారు.
గత ఆరేళ్లుగా నజీముద్దీన్ కేఫ్ లో పని చేస్తున్నాడు.అలానే అతని భార్య కూడా లండన్ లోనే డాక్టర్ గా పని చేస్తుండడం తో గత ఆరేళ్లుగా వారు లండన్ లోనే నివాసం ఉంటున్నట్లు తెలుస్తుంది.
అయితే అతడితో కలిసి కేఫ్ లో పనిచేసే వ్యక్తి నజీముద్దీన్ పై కత్తితో దాడిచేసి దారుణంగా హత్య చేసినట్లు అధికారులు అనుమానిస్తున్నారు.ప్రస్తుతం అతడిని అదుపులోకి తీసుకొని విచారణ చేస్తున్నారు అధికారులు.
అయితే అసలు ఏ కారణం చేత అతడిపై కత్తితో దాడి చేశాడు అన్న దానిపై ఎలాంటి సమాచారంలేదు.ఈ ఘటనకు గల కారణాల పై అధికారులు విచారణ చేపట్టారు.
