క్రిస్టియానో రొనాల్డో పేరు తెలియని వారుండరంటే అతిశయోక్తి కాదు.ఇక రొనాల్డొ గురించి ప్రత్యేకంగా చెప్పుకోవలసిన అవసరం లేదు.
ఒక వ్యక్తిగా కడు పేదరికం నుండి గొప్ప ఫుట్ బాల్ ప్లేయర్ గా ఎదిగిన రొనాల్డొ జీవితం అందరికీ ఆదర్శం.ఫుట్ బాల్ ఆటకు ఓ ఐకాన్ గా రొనాల్డొ నిలిచాడు.
ఇక ప్రపంచ వ్యాప్తంగా రొనాల్డోకు కొన్ని కోట్ల మంది అభిమానులు ఉన్నారు.అయితే రోనాల్డో కు మార్కెట్లో ఉన్న డిమాండ్ ఎంతటిదో మనకు తెలిసిందే.
రొనాల్డో వాడిన ఏ ఆట వస్తువు కైనా మార్కెట్ లో ఎంతో డిమాండ్ ఉంటుంది.తాజాగా రొనాల్డో కు సంబంధించిన ఓ వార్త ఇప్పుడు నెట్టింట్లో హల్ చల్ చేస్తోంది.
ఓ మ్యాచ్ సందర్బంలో రోనాల్డో కోపంలో తన హ్యాండ్ బ్యాండ్ ను విసిరిపారేసాడట.అయితే ఆ గ్రౌండ్ సిబ్బంది వెంటనే దానిని సేకరించి వేలం వేయగా దిమ్మతిరిగే ధర పలికింది.
దాదాపు 55 లక్షలకు అంటే 64 వేల యూరోలకు ఒక వ్యక్తి దానిని సొంతం చేసుకున్నాడని తెలుస్తోంది.ఇక ఆ మొత్తాన్ని ఓ చారిటీ సంస్థకు అందజేశారు.
అయితే వెన్నెముక కండరాల వ్యాధితో బాధపడుతున్న చిన్నారి వైద్యానికి కొరకు ఈ నగదును కేటాయించునున్నట్టు తెలుస్తోంది.
