నేడు న్యూజిలాండ్‌తో జరిగిన మ్యాచ్‌లో టీం ఇండియా ఓడిపోయినా కూడా కేఎల్‌ రాహుల్‌ అద్బుతమైన సెంచరీ సాధించి జట్టు పరువు నిలిపాడు.దారుణమైన పరాభవం నుండి తప్పించాడు.
జట్టు స్కోర్‌ను 300 లకు చేరువ అయ్యేలా చేయడంలో రాహుల్‌ చాలా కష్టపడ్డాడు.టీం ఇండియా కోసం రాహుల్‌ ఎప్పటికప్పుడు చాలా కష్టపడుతూనే ఉన్నాడు.
గత కొంత కాలంగా ఆయన ఆట తీరు అద్బుతంగా ఉంది అంటూ అంతా అభినందనలు వ్యక్తం చేస్తున్నారు.
నేడు రాహుల్‌ సెంచరీ కొట్టగా మరో రాహుల్‌ అయిన కాంగ్రెస్‌ నేత డకౌట్‌ అయ్యాడు.
హస్తిన అసెంబ్లీ ఎన్నికల్లో దారుణమైన ఫలితాన్ని కాంగ్రెస్‌ చవి చూసింది.గతంలో వరుసగా నాలుగు సార్లు ప్రభుత్వంలో ఉన్న కాంగ్రెస్‌ గత రెండు సార్లుగా కనీసం ఒక్క సీటు కూడా రాలేదు.
మొత్తం డెబ్బై సీట్లలో కనీసం ఒక్క స్థానంను దక్కించుకోక పోవడంతో కాంగ్రెస్‌ వర్గాల వారు తల దించుకునే పరిస్థితి.రాహుల్‌ గాంధీ ఎంతగా ప్రయత్నించినా కూడా ఓట్లు రాబట్టడంలో మాత్రం విఫలం అవుతున్నాడు.
కేఎల్‌ రాహుల్‌ సెంచరీ చేస్తే, రాహుల్‌ గాంధీ మాత్రం డకౌట్‌ అయ్యాడంటూ నెటిజన్స్‌ కామెంట్స్ చేస్తున్నారు.
