ఇండియాలో క్రికెట్ కి, సినిమాకి దగ్గర సంబంధం ఉంటుంది.ఎక్కువగా టీం ఇండియా క్రికెటర్లు బాలీవుడ్ హీరోయిన్స్ తో రిలేషన్ నడపడంతో పెళ్లి కూడా చేసుకుంటారు.
అలా చేసుకున్న వారిలో పాతతరం క్రికెటర్స్ నుంచి తాజాగా విరాట్ కోహ్లి వరకు ఉన్నారు.అలాగే ఇప్పుడు ఉన్న ఆటగాళ్ళలో కొందరూ బాలీవుడ్ భామలతో రిలేషన్ తో ఉన్నారనే సంగతి తెలిసిందే.
ఇదిలా ఉంటే క్రికెటర్లు కూడా అప్పుడప్పుడు సినిమాలలో గెస్ట్ పాత్రలలో కనిపిస్తూ ఉంటారు.అలాగే ఈ మధ్య వారి బయోపిక్ లతో సినిమాలు వస్తున్నాయి.
అయితే క్రికెటర్స్ లో ఇప్పటి వరకు శ్రీశాంత్ మాత్రమే హీరోగా నటించాడు.
ఇప్పుడు టీమిండియా మాజీ స్పిన్నర్ హర్భజన్ సింగ్ కూడా హీరో అవతారం ఎత్తాడు.
భజ్జీ ఈ విషయాన్ని సోషల్ మీడియాలో షేర్ చేశాడు.తను నటించనున్న సినిమాకు సంబంధించిన పోస్టర్ను తన ఖాతాలో షేర్ చేశారు.
భజ్జీ హీరోగా తెరకెక్కనున్న ఈ చిత్రం పేరు ఫ్రెండ్షిప్.అయితే ఇది ఎక్కడో బాలీవుడ్ లో తెరకెక్కుతుంది అనుకునేరు.
అలాంటిది లేదు.ఇది మన సౌత్ లో తమిళంలో తెరకెక్కుతున్న సినిమా.
ఈ సినిమాకి జాన్ పాల్ రాజ్, షామ్ సూర్య దర్శకత్వం వహించారు.జేపీఆర్ స్టాలిన్ ఈ సినిమాను నిర్మిస్తున్నారు.
ఇక తాజాగా రిలీజ్ అయిన బజ్జీ సినిమా ఫ్రెండ్ షిప్ లో ఇద్దరు వ్యక్తుల చేతులకు బేడీలు వేసి ఉంది.దక్షిణభారతీయ సినిమాలో క్రికెట్ దిగ్గజం ప్రధాన పాత్రలో నటిస్తు్న్నారని హర్భజన్ సింగ్ పోస్ట్ చేసిన పోస్టరులో రాసి ఉంది.
మరి హీరోగా ఈ సినిమాలో బజ్జీ తన సెకండ్ ఇన్నింగ్ లో ఎలా స్టార్ట్ చేస్తాడో చూడాలి.