USAలో కొత్త T20 ఫ్రాంచైజీ లీగ్ అయిన మేజర్ లీగ్ క్రికెట్ (MLC)లో సీటెల్ ఫ్రాంచైజీని స్వంతం చేసుకోవడానికి, మైక్రోసాఫ్ట్ చీఫ్ ఎగ్జిక్యూటివ్ ఆఫీసర్ సత్య నాదెళ్లతో ఢిల్లీ క్యాపిటల్స్ జట్టు చేతులు కలిపింది.ఈ జట్టుకు సీటెల్ ఓర్కాస్( Seattle Orcas ) అని పేరు పెట్టారు.ఓర్కా అనేది సీటెల్ చుట్టూ ఉన్న సముద్రంలో కనిపించే కిల్లర్ వేల్.ఇక ఈ లీగ్‌ను 2023 జూలైలో ప్రారంభించాలని నిర్ణయించారు.సీటెల్ ఓర్కాస్ లీడ్ ఇన్వెస్టర్ గ్రూప్‌లో నాదెళ్ల (మైక్రోసాఫ్ట్ చైర్మన్ CEO), సోమశేఖర్ (మడ్రోనా వెంచర్స్ మేనేజింగ్ డైరెక్టర్), సమీర్ బోదాస్ (Icertis సీఈవో కో ఫౌండర్), అశోక్ కృష్ణమూర్తి (మేనేజింగ్ పార్టనర్, గ్రేట్ పాయింట్ వెంచర్స్), సంజయ్ ఉన్నారు.పసిఫిక్ నార్త్‌వెస్ట్ అనేది అమెరికన్ క్రికెట్‌కు కేంద్రంగా ఉంది.

అదే సమయంలో ఇతర IPL ఫ్రాంచైజీలుముంబై ఇండియన్స్( Mumbai Indians ) చెన్నై సూపర్ కింగ్స్ కూడా MLCలో వాటాలను కొనుగోలు చేశాయి.IPL కాకుండా SA20 మరియు ILT20లో జట్లను కలిగి ఉన్న MI, న్యూయార్క్ ఫ్రాంచైజీలో భాగం అయింది.కోల్‌కతా నైట్ రైడర్స్ MLC సర్క్యూట్‌లోకి ప్రవేశించిన మొదటి IPL ఫ్రాంచైజీ.ఇది లాస్ ఏంజెల్స్‌ జట్టుతో భాగస్వామ్యం పొందింది.దీంతో ఈ టోర్నమెంట్‌పై క్రికెట్ అభిమానుల్లో ఆసక్తి పెరుగుతోంది.