ప్రస్తుత రోజుల్లో ప్రయాణికులను ఆకట్టుకునేందుకు టాక్సీ డ్రైవర్లు వినూత్న రీతిలో ఆకర్షించే విధంగా వారి టాక్సీలను ఏర్పాటు చేసుకుంటూ ఉంటారు.అంతేకాకుండా ప్యాసింజర్ లకు ఎంటర్టైన్మెంట్ అందించేందుకు కొత్త కొత్త ఆలోచనలను అమలు చేస్తున్నారు.
తాజాగా గ్రీస్ దేశానికి చెందిన ఒక టాక్సీ డ్రైవర్ ఒక విన్నూత ఐడియా ను అమలుచేసి తన కారుని ఏకంగా నైట్ క్లబ్ లాగా మార్చేసి కారు ఎక్కిన వారికి పార్టీ మూడ్ వచ్చే విధంగా లైటింగ్ అమర్చాడు.
అలాగే తన కారులో ఎక్కిన ప్యాసింజర్స్ కు లాగా నైట్ క్లబ్ లో ఉండే విధంగా తన కారును మార్చేశాడు.
ఇలా చేయడానికి గల కారణం కరోనా వైరస్ కాలంలో ప్రజలలో స్ఫూర్తిని తగ్గకుండా ఉండే విధంగా ఇలా చేసినట్లు తెలిపాడు.కేవలం లైటింగ్ సిస్టంతో పాటు మ్యూజిక్ కూడా అమర్చడంతో కార్ లో ఉండే ప్యాసింజర్స్ కు పబ్ కు వచ్చామన్న ఫీలింగ్ కలుగుతుంది.
ఈ సందర్భంగా డ్రైవర్ మాట్లాడుతూ.ఎప్పుడు ఒత్తిడితో బాధగా ఉండే వారిని చూస్తూ ఉంటాను.అందుకే కార్ లో ఒక మంచి మ్యూజిక్ సిస్టం పెట్టాలని అనుకున్నాను.ఈ మ్యూజిక్స్ పెట్టడం వల్ల ప్రజలు ఎంతో ఎంజాయ్ చేయడం, సరదాగా ఉంటారు అంటూ చెప్పుకొచ్చాడు.
ఇలా ఏర్పాటు చేసినందుకు ప్రయాణికుల నుంచి ఎటువంటి చార్జీలు వసూలు చేయడం లేదని పేర్కొన్నాడు.ప్రస్తుతం ఈ కార్ ప్రయాణికులను బాగా ఆకట్టుకుంటుంది.ఇందుకు సంబంధించిన వీడియో సోషల్ మీడియాలో వైరల్ గా మారింది.