తెలుగు, తమిళంలో పలు సినిమాల్లో నటించి సౌత్లో స్టార్ అనిపించుకున్న హీరోయిన్ అసిన్.ఈ అమ్మడు ప్రస్తుతం బాలీవుడ్లో స్టార్ హీరోలకు జోడీగా నటిస్తూ బిజీబిజీగా ఉంది.
అయితే ఈ అమ్మడు ఒక వివాదాస్పద విషయంతో కోర్టుకు వెళ్లాల్సి వచ్చింది.కోర్టు ఈమెకు వ్యతిరేకంగా తీర్పు ఇవ్వడంతో షాక్ తగిలింది.
వివాదం వివరాల్లోకి వెళ్తే… అసిన్కు కేరళలో ఒక డబుల్ బెడ్ రూం ఫ్లాట్ ఉంది.ఆ ఫ్లాట్ను జయలక్ష్మి ఎర్నాకులం అనే ఇంటీరియర్ డిజైనర్తో డిజైన్ చేయించింది.
అందుకు 10 లక్షలు ఖర్చు అయ్యింది.అయితే ఆ మొత్తాన్ని జయలక్ష్మికి అసిన్ ఇవ్వడం లేదట.
చాలా రోజులుగా అసిన్ను అడుగుతున్నప్పటికి ఆమె సరిగా స్పందించక పోవడంతో జయలక్ష్మి కోర్టుకు వెళ్లాల్సి వచ్చింది.జయలక్ష్మి పిటీషన్ను స్వీకరించిన కోర్టు విచారణ జరిపింది.
విచారణలో అసిన్ది తప్పుగా నిర్ధారించిన కోర్టు జనవరి 14 వరకు జయలక్ష్మి డబ్బు ఇవ్వని పక్షంలో ఆమె ఫ్లాట్ను వేయవచ్చని తీర్పు ఇచ్చింది.దాంతో ప్రస్తుతం అసిన్ హడావుడిగా జయలక్ష్మికి ఇవ్వాల్సిన మొత్తాన్ని ఏర్పాటు చేసే పనిలో ఉన్నట్లుగా తెలుస్తోంది.