కరోనా వైరస్: అమెరికాలో నిరాశ్రయుల పరిస్ధితి దయనీయం, పార్కింగ్ ప్లేస్‌లో నిద్ర

దీనిలో భాగంగా నగరంలోని కాష్మన్ సెంటర్ పార్కింగ్‌ ప్లేస్‌ను నిరాశ్రయులు నిద్రించేందుకు ఉపయోగిస్తున్నారు.కరోనా నేపథ్యంలో ఇక్కడ కూడా సోషల్ డిస్టెన్సింగ్ పాటిస్తున్నారు.లాస్‌వెగాస్ రివ్యూ జర్నల్ ప్రకారం 50 మంది వాలంటీర్లు 24,000 చదరపు అడుగుల విస్తీర్ణంలో నిరాశ్రయులు నిద్రించేందుకు కార్పెట్‌ను సిద్ధం చేశారు.

నెవాడాలోని టూరో యూనివర్సిటీ నుంచి దాదాపు డజను మంది వైద్య విద్యార్ధులు వీరి ఉష్ణోగ్రతను పరీక్షించి, మెడికల్ టెస్టులు చేశారు.

నిరాశ్రయుల సమస్యను త్వరగా పరిష్కరించాల్సిన అవసరం ఉందని క్లార్క్ కౌంటీ కమీషనర్ లారెన్స్ అన్నారు.

అయితే నిరాశ్రయులు నిద్రించడానికి చోటు కల్పించేందుకు కృషి చేస్తున్న అధికారులు, వాలంటీర్లకు ఆయన కృతజ్ఞతలు తెలియజేశారు .కాగా బుధవారం ఒక్కరోజే అమెరికాలో కరోనా వైరస్ కారణంగా 1,939 మంది మరణించారు.దీంతో అగ్రరాజ్యంలో కోవిడ్ 19 బారినపడి మరణించిన వారి సంఖ్య 14,695కి చేరగా, బాధితుల సంఖ్య 4,35,128కి చేరింది.ప్రపంచంలోనే కరోనా తీవ్రత అధికంగా ఉన్న దేశంగా అమెరికా నిలిచింది.