కరోనా పై కంగారు అవసరం లేదా ? ఆలస్యంగా గుర్తించారా ?

ఇప్పటివరకు కరోనా వైరస్ బాధితుడికి 14 రోజుల తర్వాత డాక్టర్లు రెండుసార్లు టెస్టులు చేసేవారు .రెండుసార్లు నెగిటివ్ వస్తేనే వారిని డిశ్చార్జ్ చేసేవారు.కానీ ఇప్పుడు లక్షణాలు లేక పోవడమే కాదు, పాజిటివ్ అని వచ్చిన వ్యక్తిని పది రోజులు ఆసుపత్రిలో ఉంచుకుని డిశ్చార్జి చేయాలని కేంద్రం చెబుతోంది.ఈ సందర్భంగా రోగులను మూడు కేటగిరీలుగా విభజించింది.

ఆ ప్రకారమే ఈ కొత్త విధానాన్ని అన్ని రాష్ట్రాలు, కేంద్రపాలిత ప్రాంతాల్లో అమలు చేయాలని సూచించింది.సీరియస్ కండిషన్ లో ఉన్న పేషెంట్లు మాత్రమే డిశ్చార్జి ముందు పరీక్షలు నిర్వహించాలని, మిగతా వారికి అవసరం లేదన్నట్లుగా ఆదేశాలు జారీ చేసింది.

అలాగే చికిత్స సమయాన్ని కూడా పది రోజులకు కుదించింది.దీనిని బట్టి చూస్తే కరోనా విషయంలో ఇప్పటివరకు కేంద్రం కాస్త ఎక్కువగా కంగారు పడిందా అనే సందేహాలు అందరిలోనూ వ్యక్తం అవుతున్నాయి.