అమెరికాలో 'షిరిడీ బాబా'ఆలయం..!   Construction Of Shirdi Sai Baba Temple In America     2018-10-23   13:37:57  IST  Raghu V

అమెరికాలోని సాయి భక్తుల కోసం సాయి దత్త పీటం ఏకంగా షిరిడి లాంటి ఆలయ నిర్మాణాన్ని చేపడుతోంది. అందుకు గాను న్యూజెర్సీలో సాయి దత్త పీఠం ఆలయ నిర్మాణానికి భూమి పూజ చేసింది. విజయదశమి మరియు బాబా వారి 100 సం. ల పుణ్య తిధి సందర్భంగా పీఠం నిర్వాహకులు రఘుశర్మ శంకరమంచి, వేద పండితుడులు మూర్తి ల ఆధ్వర్యంలో ఈ భూమి పూజ జరిగింది…శాస్త్రానికి తగ్గట్టుగా వేద మంత్రాల మధ్య భూమి పూజని జరిపించారు.

అయితే అమెరికాలో షిరిడీ ఆలయ నిర్మాణం ఎంతో అద్భుతంగా కళాత్మకంగా జరగనుందని..హిందు సాంప్రదాయక జీవన ఆదర్శాలు ప్రతిబింబించేలా ప్రతిష్టాత్మకంగా ఈ “అమెరికా లో షిరిడీ” జరుగుతుందని…అచ్చం షిరిడీ ఆలయాని తలపించేలా ఈ ఆలయం యొక్క నిర్మాణం జరుగుతుందని ముంబయి కి చెందిన ప్రముఖ ఆర్కిటెక్ట్ నితిన్ చంద్రకాంత్ దేశాయ్ తెలిపారు.

Construction Of Shirdi Sai Baba Temple In America-

అంతేకాదు ఆలయ నిర్మాణానికి స్థలాన్ని ఇచ్చిన దాతల వివరాలని ఆలయ గోడల మీద ఉంచుతామని..విరాళాలు ఇచ్చే భక్తుల పేర్లని సైతం గోడలపై ఉంచుతామని తెలిపారు..ఈ సందర్భంగా పలువురు వాలంటీర్లు, ఇంజనీర్, ఆర్కిటెక్ట్ , సాయి దత్త పీఠం బోర్డు డైరెక్టర్స్ అందరూ హాజరయ్యారు.