సినీ కమెడియన్ ఆలీ రాజకీయ అడుగులపై ఇంకా అనుమానాలు వీడడంలేదు.ఆయన వైసీపీ, టీడీపీ, జనసేన ఇలా అన్ని పార్టీల అధినేతలతోనూ … భేటీ అవుతూ… అందరికీ ట్విస్ట్ ఇస్తూనే ఉన్నాడు.
అసలు ఆయన ఏ పార్టీలో చేరబోతున్నాడు అనే విషయం లో ఇంకా ఎవరికీ క్లారిటీ రావడంలేదు.వచ్చే ఎన్నికల్లో గుంటూరు జిల్లా నుంచి అసెంబ్లీకి పోటీ చేయాలనీ చూస్తున్న ఆలీ సరైన పార్టీ కోసం ఎదురు చూపులు చూస్తున్నాడు.
తాజాగా… ఏపి సిఎం చంద్రబాబు నాయుడు నివాసంలో ఆలీ ఈ రోజు భేటీ అయ్యారు.వీరిరువురి మధ్యా భేటీ దాదాపు పావుగంట సాగింది.అయితే వీరిద్దరూ ఏ విషయంపై చర్చించుకున్నారు అనే విషయం ఇంకా బయటకి రాలేదు.అయితే … అలీ టిడిపిలో చేరబోతున్నారని… అదే విషయమై చర్చించడానికి బాబు తో ఆయన భేటీ అయినట్టు తెలుస్తోంది.