తెలుగులో ప్రముఖ ఎంటర్ టైన్ మెంట్ చానల్ అయినటువంటి ఈటీవీ లో ప్రతి మంగళవారం రాత్రి 9.30 నిమిషాలకు ప్రసారమయ్యే “ఆలీతో సరదాగా” అనే కార్యక్రమం ప్రేక్షకులను ఎంతగా ఆకట్టుకుంటుందో కొత్త గా ప్రేక్షకులకి తెలియజేయాల్సిన అవసరం లేదు.అయితే ఈ కార్యక్రమంలో టాలీవుడ్ ప్రముఖ కమెడియన్ మరియు హీరో అలీ ప్రతి ఎపిసోడ్ కి ఎవరో ఒక సినీ సెలెబ్రెటీని గెస్ట్ గా పిలిచి సందడి చేస్తుంటాడు. దాంతో తాజాగా ఈ కార్యక్రమానికి జబర్దస్త్ కామెడీ షోలో తన కామెడీ స్కిట్ల ద్వారా ప్రేక్షకులను ఎంతగానో ఆకట్టుకున్న ప్రముఖ కమెడియన్ చలాకి చంటి విచ్చేసి పలు ఆసక్తికర అంశాలను ప్రేక్షకులతో పంచుకున్నాడు.
అయితే ఇందులో భాగంగా తాను ఎప్పటికైనా టాలీవుడ్ ప్రిన్స్ మహేష్ బాబు ని ఒప్పించి హాలీవుడ్లో సినిమా తీస్తానని తన మనసులో మాటను బయటకు పెట్టాడు.అంతేకాక ఇప్పటికే తన హాలీవుడ్ చిత్రానికి సంబంధించిన స్క్రిప్ట్ పనులను కూడా పూర్తి చేశానని కేవలం మహేష్ బాబు నుంచి గ్రీన్ సిగ్నల్ రావడమే తరువాయి అని కూడా చెప్పుకొచ్చాడు.
ఆ తర్వాత పలు తన కుటుంబ విషయాలను గురించి మాట్లాడుతూ కొంతమేర ఎమోషనల్ అయ్యాడు.అయితే చలాకి చంటి ఎందుకు బాధ పడ్డాడని విషయం గురించి మరిన్ని విషయాలు తెలియాలంటే వచ్చే మంగళవారం ప్రసారమయ్యే ఎపిసోడ్ వరకు ఆగాల్సిందే.
అయితే ఈ విషయం ఇలా ఉండగా ప్రస్తుతం చలాకి చంటి జబర్దస్త్ కామెడీ షోలో టీమ్ లీడర్ మరియు కామెడి స్కిట్ స్క్రిప్ట్ రైటర్’గా పని చేస్తూ బాగానే రాణిస్తున్నాడు.అంతేగాక పలు టాలీవుడ్ చిత్రాల్లో కూడా కమెడియన్ గా నటిస్తూ ప్రేక్షకులను బాగానే అలరిస్తున్నాడు.