ఈ మధ్య కాలంలో తెలుగులో వస్తున్న చిన్న సినిమాలు మంచి విజయాలు అందుకుంటున్నాయి.లో బడ్జెట్ తో కొత్త క్యాస్టింగ్ తో తెరకెక్కే ఈ సినిమాలు కథా వైవిధ్యం కారణంగా ప్రేక్షకులకి కనెక్ట్ అవుతున్నాయి.
మంచి సినిమాకి ఎప్పుడు కూడా ప్రజాదారణ ఉంటుందని ఇలాంటి చిన్న సినిమాలు ప్రూవ్ చేస్తున్నాయి.ఇదిలా ఉంటే ఈ మధ్యకాలంలో అందరి దృష్టిని ఆకర్షిస్తున్న మరో చిన్న సినిమా కలర్ ఫోటో.
ఈ సినిమా ద్వారా కమెడియన్ గా మంచి గుర్తింపు తెచ్చుకున్న సుహాస్ హీరోగా నటిస్తున్నాడు.వైజాగ్ అమ్మాయి చాందినీ చౌదరీ హీరోయిన్ గా నటిస్తుంది.
ఈ సినిమాలో సునీల్ విలన్ గా నటిస్తున్నాడు.దీంతో ఈ సినిమాకి మరింత హైప్ వచ్చింది.
ఇదిలా ఉంటే రీసెంట్ గా విడుదల అయిన కలర్ ఫోటో మూవీ టీజర్ కూడా భాగా ఆకట్టుకుంది. సందీప్ రాజ్ దర్శకత్వంలో తెరకెక్కుతున్న హృదయకాలేయం దర్శక నిర్మాత సాయిరాజేష్ ఈ సినిమాని నిర్మించడంతో పాటు కథ కూడా అందిస్తున్నారు.
ఇదిలా ఉంటే ఈ సినిమా షూటింగ్ ఇప్పటికే కంప్లీట్ అయినట్లు తెలుస్తుంది.ఇప్పటి వరకు ప్రేమ కథలో కులాలు, మతాలని ముడిపెట్టి చూపిస్తే ఈ సినిమాలో బాడీ కలర్ కి లింక్ పెట్టి చూపించబోతున్నారు.
ఇక ఈ చిత్రాన్ని నేరుగా ఓటీటీలో రిలీజ్ చేసేందుకు ప్రయత్నాలు జరుగుతున్నాయి.తాజా సమాచారం ప్రకారం ఈ చిత్రాన్ని మంచి రేటుకు అల్లు వారి ఓటీటీ ఆహా దక్కించుకున్నట్లు సమాచారం.
దీపావళి కానుకగా నవంబరు 14న ఈ చిత్రాన్ని రిలీజ్ చేస్తారట.లో బడ్జెట్ లో తెరకెక్కించిన ఈ సినిమాని నిర్మాత కొంత ప్రాఫిట్ కి అమ్మేసినట్లు తెలుస్తుంది.