సినిమా ఇండస్ట్రీలో అందం, అభినయం అన్నీ ఉన్నా అదృష్టం ఉంటే మాత్రమే హీరోయిన్ గా పేరు, గుర్తింపు దక్కుతుంది.అలా అందం, అభినయం అన్నీ ఉన్నా హీరోయిన్ గా కెరీర్ విషయంలో ఒడిదొడుకులను ఎదుర్కొంటోంది చాందిని చౌదరి.
షార్ట్ ఫిలిమ్స్ ద్వారా కెరీర్ ను ప్రారంభించిన చాందిని చౌదరి ఆ షార్ట్ ఫిలిమ్స్ ద్వారా మంచి పేరు, గుర్తింపు వచ్చింది.దీంతో ఆమెకు హీరోయిన్ గా అవకాశాలు వచ్చాయి.
తెలుగమ్మాయి అయిన చాందిని చౌదరి యువ హీరోగా తనకంటూ ప్రత్యేక గుర్తింపు తెచ్చుకున్న రాజ్ తరుణ్ కు జోడీగా షార్ట్ ఫిలిమ్స్ లో నటించింది.మధురం, నౌ దో గ్యారహ్ షార్ట్ ఫిలిమ్స్ చాందినికి మంచిపేరు తెచ్చిపెట్టాయి.
కేటుగాడు సినిమాతో హీరోయిన్ గా టాలీవుడ్ కు పరిచయమైన చాందిని చౌదరికి నటించిన తొలి సినిమానే ఫ్లాప్ కావడంతో ఆశించిన స్థాయిలో గుర్తింపు రాలేదు.ఆ తరువాత కుందనపు బొమ్మ, హౌరా బ్రిడ్జ్, మను సినిమాల్లో నటించింది.
అయితే ఆ సినిమాలు కూడా ఫ్లాప్ కావడంతో ఈ తెలుగమ్మాయిని పెద్దగా పట్టించుకోలేదు.అయితే కలర్ ఫోటో సినిమాలో హీరోయిన్ ఛాన్స్ ఆమె కెరీర్ ను మలుపు తిప్పింది.
కొన్ని రోజుల క్రితం ఆహా ఓటీటీలో విడుదలైన కలర్ ఫోటో సినిమాకు హిట్ టాక్ వచ్చింది.నాని, జగపతిబాబు ఈ సినిమాను ప్రశంసించడంతో ప్రేక్షకులు ఈ సినిమా చూడటానికి ఆసక్తి చూపుతూ హీరోను, సినిమా యూనిట్ ను ప్రశంసిస్తున్నారు.
అయితే సినిమాలోని పాత్రలో అద్భుతంగా నటించినా చాందిని పేరును ప్రస్తావించడం లేదు.నటుడు జగపతిబాబు సైతం చాందిని పేరును ప్రస్తావించడం మరిచిపోయాడు.దీంతో చాందిని సెలబ్రిటీల ట్వీట్లను రీట్వీట్ చేస్తూ పేర్లు ప్రస్తావించకపోవడం చాలా బాధాకరమైన విషయమని, సమానత్వం కోసం ఫెమినిస్టులు పోరాడేది ఇందుకేనని ఆమె పేర్కొన్నారు.సోషల్ మీడియాలో ఆమె చేస్తున్న కామెంట్ల ద్వారా చాందిని బాగానే హర్ట్ అయిందని తెలుస్తోంది.
