అందంగా, నాజుగ్గా కనిపించాలని అంద‌రూ కోరుకుంటారు.కానీ, అందుకు భిన్నంగా అధిక బ‌రువు స‌మ‌స్య తెగ వేధిస్తుంటుంది.
పెద్ద‌లే కాదు.పిల్లలు కూడా ఈ స‌మ‌స్య‌ను ఫేస్ చేస్తున్నారు.
దీంతో బ‌రువు త‌గ్గేందుకు చేయ‌ని ప్ర‌య‌త్నం ఉండ‌దు.అయితే బ‌రువు త‌గ్గాల‌నుకునే వారిలో చాలా మంది ముందుగా చేసే పని నోరు క‌ట్టేసుకోవ‌డం.
అంటే క‌డుపు కాలుతున్నా తిన‌డం ఆపేస్తుంటారు.కానీ, వాస్త‌వానికి స‌రైన ఆహారం స‌రైన స‌మ‌యంలో తీసుకున్న‌ప్పుడే బ‌రువు త‌గ్గుతార‌ని ఆరోగ్య నిపుణులు చెబుతున్నారు.
ముఖ్యంగా కొన్ని కొన్ని ఆహారాలు తీసుకోవ‌డం వ‌ల్ల అధిక బ‌రువును నియంత్రించ‌వ‌చ్చ‌ని అంటున్నారు.అయితే అలాంటి ఆహారాల్లో ప‌చ్చి కొబ్బ‌రి కూడా ఒక‌టి.చాలా మంది ప‌చ్చి కొబ్బ‌రిని నిర్ల‌క్ష్యం చేస్తుంటారు.కానీ, ప‌చ్చి కొబ్బ‌రిలో మ‌న ఆరోగ్యానికి కావాల్సిన ఎన్నో పోష‌కాలు నిండి ఉంటాయి.
అలాగే అధిక బ‌రువుతో బాధ ప‌డుతున్న వారు ప‌చ్చి కొబ్బ‌రిని డైట్‌లో చేర్చుకుంటే మంచిదంటున్నారు నిపుణులు.
ఎందుకంటే, ప‌చ్చి కొబ్బ‌రిలో ఫైబ‌ర్ స‌మృద్ధిగా ఉంటుంది.ఫైబ‌ర్ ఉండే ఏ ఆహారం తీసుకున్నా బ‌రువు త‌గ్గొచ్చు.అందువ‌ల్ల, ప‌చ్చి కొబ్బ‌రిని డైట్‌లో చేర్చుకుంటే.
శ‌రీరంలో పేరుకుపోయిన కొవ్వు క‌రిగి బ‌రువు అదుపులోకి వ‌స్తుంద‌ని అంటున్నారు.ఇక ప‌చ్చి కొబ్బ‌రిని తీసుకోవ‌డం వ‌ల్ల త‌క్ష‌ణ శ‌క్తి ల‌భించ‌డంతో పాటు.
ఎక్కువ స‌మ‌యం పాటు ఆక‌లి, నీర‌సం రాకుండా ఉంటుంది.
ప‌చ్చి కొబ్బ‌రితో మ‌రిన్ని ప్ర‌యోజ‌నాలు కూడా ఉన్నాయి.
ప‌చ్చి కొబ్బ‌రిని రెగ్యుల‌ర్‌గా త‌గిన మోతాదులో తీసుకుంటే.అందులో ఉండే విట‌మిన్ సి శ‌రీర రోగ నిరోధ‌క శ‌క్తిని పెంచుతుంది.
అలాగే ప‌చ్చి కొబ్బ‌రిని తిన‌డం వ‌ల్ల మ‌ధుమేహం, గుండె జ‌బ్బులు, థైరాయిడ్, మలబద్ధకం ఇలా ఎన్నో స‌మ‌స్య‌ల‌కు దూరంగా ఉండొచ్చు.ఎదిగే పిల్ల‌ల‌కు ప‌చ్చి కొబ్బ‌రి పెట్ట‌డం వ‌ల్ల వారి బ్రెయిన్ షార్ప్‌గా పని చేస్తుంద‌ట.
కాబ‌ట్టి, అధిక బ‌రువు ఉన్న వారే కాదు.అంద‌రూ ప‌చ్చి కొబ్బ‌రిని డైట్‌లో చేర్చుకోవ‌డం ఉత్త‌మం.
తెలుగు ఆరోగ్య టిప్స్, వార్త విశేషాలు సులభముగా తెలుసుకోండి!!!!
