ప్రపంచ వ్యాప్తంగా ప్రతి దేశాన్ని భయపెడుతున్నది డ్రగ్స్ మాఫియా అనే విషయం అందరికి తెలిసిందే.యువతని మత్తు మందుకి అలవాటు చేస్తున్న డ్రగ్స్ మాఫియాని, స్మగ్లింగ్ ని ఎంత నియంత్రించే ప్రయత్నం చేస్తున్న ఏదో ఒక మార్గంలో మాఫియా వాళ్ళు ఈ డ్రగ్స్ ని దేశాలలికి తీసుకొచ్చే ప్రయత్నం చేస్తూనే ఉన్నారు.
ముఖ్యంగా ఆఫ్రికా దేశాల నుంచి ఈ డ్రగ్స్ ఆసియా దేశాలలోకి వస్తుంది.ఇప్పటికే ఇలా ఇండియా, దుబాయ్ లాంటి దేశాలలో అక్రంగా డ్రగ్స్ స్మగ్లింగ్ చేసే వారిని చాలా సార్లు అరెస్ట్ చేసారు.
అయినా కూడా ఈ డ్రగ్స్ గ్యాంగ్ ఏవో కొత్త ఎత్తులు వేస్తూ డ్రగ్స్ తరలించే ప్రయత్నం చేస్తూనే ఉన్నారు.
ఆ మధ్య వేరుశనగలలో డ్రగ్స్ ని తరలించే ప్రయత్నం చేసి దుబాయ్ లో అడ్డంగా ఓ వ్యక్తి బుక్ అయ్యాడు.
ఇప్పుడు దుబాయ్ ఎయిర్ పోర్ట్ లో ఓ వ్యక్తి కండోమ్ ప్యాకేట్స్ లో డ్రగ్స్ తరలించే ప్రయత్నం చేసి అడ్డంగా దొరికిపోయాడు.పెరు దేశానికి చెందిన ఓ స్మగ్లర్ పెరు నుంచి ఈజిప్ట్‌కు కొకైన్‌ను కండోమ్ ప్యాకెట్లలో తరలించడానికి యత్నించి దుబాయ్ పోలీసులకు దొరికిపోయాడు.
దుబాయ్ ఎయిర్‌పోర్టులో స్మగ్లర్ బ్యాగును కస్టమ్స్ అధికారులు తనిఖీ చేయగా బ్యాగు నిండా కండోమ్ ప్యాకెట్లు దొరికాయి.ఆ ప్యాకెట్లను ల్యాబ్‌కు పంపగా, 2.3 కేజీల కొకైన్‌ను అందులో దొరికింది.
