మెగాస్టార్ చిరంజీవి నటిస్తున్న 152వ చిత్రం ‘ఆచార్య’ ప్రస్తుతం శరవేగంగా షూటింగ్ జరుపుకుంటోంది.ఈ సినిమాను స్టార్ డైరెక్టర్ కొరటాల శివ డైరెక్ట్ చేస్తుండటంతో ఈ సినిమాపై ఇండస్ట్రీ వర్గాలతో పాటు ప్రేక్షకుల్లో ఇప్పటికే భారీ అంచనాలు క్రియేట్ అయ్యాయి.
ఇటీవల ఓ సినిమా వేడుకలో పొరపాటున ఈ సినిమా టైటిల్‌ను చిరు అనౌన్స్ చేయడంతో మెగా ఫ్యాన్స్ పండగ చేసుకున్నారు.అయితే ఆచార్య సినిమాలో హీరోయిన్‌గా త్రిష నటిస్తుందని తొలుత వార్తలు వచ్చాయి.
కానీ ఇటీవల కొన్ని కారణాలతో ఈ సినిమా నుండి తప్పుకుంటున్నట్లు త్రిష ప్రకటించింది.దీంతో మరో స్టార్ బ్యూటీ వేటలో పడ్డారు ఈ చిత్ర యూనిట్.
ఇందులో భాగంగా అందాల భామ కాజల్ అగర్వాల్‌ను ఈ సినిమాలో హీరోయిన్‌గా తీసుకోవాలని ప్లాన్ చేశారు.కానీ ఆమె అడిగిన రెమ్యునరేషన్‌కు చిత్ర యూనిట్‌కు చుక్కలు కనిపించాయి.
దీంతో వారు మరో హీరోయిన్‌ను వెతికే పనిలో పడ్డారు.ఇందులో భాగంగా టాలీవుడ్ స్టార్ బ్యూటీ అనుష్కను ఈ సినిమాలో హీరోయిన్‌గా తీసుకుంటే బాగుంటుందని చిత్ర యూనిట్ భావిస్తోంది.
దీనికి సంబంధించిన సంప్రదింపులు కూడా జరుగుతున్నట్లు తెలుస్తోంది.మరి ఈ సినిమాలో నటించేందుకు అనుష్క ఓకే అంటుందా లేదా అనేది తెలియాల్సి ఉంది.
మొత్తానికి ఆచార్య సినిమాకు హీరోయిన్ సమస్య ఏమిటో అని మెగా ఫ్యాన్స్ ఆందోళన చెందుతున్నారు.మరి ఈ సినిమా హీరోయిన్ ఎవరనే విషయంపై చిత్ర యూనిట్ అఫీషియల్ అనౌన్స్‌మెంట్ ఇచ్చేవరకు ఆగాల్సిందే అంటున్నారు సినీ జనం.ఇక ఈ సినిమాను నిరంజన్ రెడ్డితో కలిసి మెగా పవర్ స్టార్ రామ్ చరణ్ ప్రొడ్యూస్ చేస్తున్నాడు.
