మెగాస్టార్ చిరంజీవి ప్రస్తుతం తన 152వ చిత్రంలో నటిస్తూ బిజీగా ఉన్నాడు.స్టార్ డైరెక్టర్ కొరటాల శివ డైరెక్షన్లో తెరకెక్కుతున్న ఈ సినిమాలో చిరంజీవి డ్యుయెల్ రోల్లో నటిస్తున్నట్లు తెలుస్తోంది.
కాగా ఈ సినిమాలో మెగాస్టార్ ఓ సామాజిక అంశంపై పోరాటం చేస్తాడన్నది సినిమా కథగా చిత్రపురిలో వార్తలు వినిపిస్తున్నాయి.
ఇకపోతే ఈ సినిమాలో చిరు సరసన అందాల భామలు త్రిష, అనుష్కలు హీరోయిన్లుగా నటిస్తున్నారు.
కాగా చిరుతో యంగ్ బ్యూటీ రెజీనా ఓ స్పెషల్ సాంగ్లో చిందులేస్తుందని తెలుస్తోంది.ఈ సాంగ్కు సంబంధించిన షూటింగ్ ఇటీవల ముగిసినట్లు తెలుస్తోంది.అయితే ఈ పాటలో రెజీనా అదిరిపోయే స్టెప్పులు వేసిందని, చిరు ఆమె డ్యాన్స్ చూసి అవాక్కయ్యాడని చిత్ర యూనిట్ అంటోంది.
రెజీనా ఇంత చక్కగా డ్యాన్స్ చేస్తుందా అని చిరు నోరెళ్లబెట్టినట్లు చిత్ర యూనిట్ తెలిపింది.ఇక ఈ పాటలో చిరుకు పోటీగా అమ్మడి డ్యాన్స్ ఉంటుందని, ఈ సినిమాతో ఆమె స్టార్ హీరోయిన్ల లిస్టులో చేరుతుందని చిత్ర యూనిట్ తెలిపింది.కొరటాల శివ డైరెక్ట్ చేస్తున్న ఈ సినిమాను మెగా పవర్ స్టార్ రామ్ చరణ్ ప్రొడ్యూస్ చేస్తున్నాడు.