అందుకే ఆ డైరెక్టర్‌ను పక్కనబెట్టా: చిరంజీవి

మెగాస్టార్ చిరంజీవి నటిస్తున్న లేటెస్ట్ మూవీ ‘ఆచార్య’ ఇప్పటికే 40 శాతం షూటింగ్ పూర్తి చేసుకున్నట్లు చిత్ర దర్శకుడు కొరటాల శివ పేర్కొన్న సంగతి తెలిసిందే.ఈ సినిమాను పూర్తి కమర్షియల్ ఎంటర్‌టైనర్‌గా కొరటాల తెరకెక్కిస్తుండగా, చిరంజీవి ఈ సినిమాలో అల్ట్రా స్టైలిష్ లుక్‌లో మనకు కనిపిస్తాడు.

 Chiranjeevi Reveals Why Sujeeth Left Lucifer Remake, Chiranjeevi, Sujeeth, Lucif-TeluguStop.com

ఇక ఈ సినిమా పూర్తి కాకముందే చిరు తన నెక్ట్స్ చిత్రాలను ఓకే చేసే పనిలో పడినట్లు తెలుస్తోంది.ఇప్పటికే మలయాళంలో సూపర్ హిట్‌గా నిలిచిన లూసిఫర్ చిత్రాన్ని తెలుగులో రీమేక్ చేసేందుకు చిరు ఆసక్తి చూపుతున్నట్లు వార్తలు వస్తున్నాయి.

కాగా ఈ సినిమా రీమేక్ రైట్స్‌ను మెగా పవర్ స్టార్ రామ్ చరణ్ సొంతం చేసుకున్న సంగతి తెలిసిందే.దీంతో లూసిఫర్ చిత్రాన్ని తెరకెక్కించేందుకు యంగ్ డైరెక్టర్ సుజీత్‌ను చిరు, చరణ్‌లు సెలెక్ట్ చేశారు.

ఇక ఈ మెగా ప్రాజెక్ట్‌ను రెడీ చేసేందుకు సుజీత్ తనవంతుగా స్క్రిప్టు పనులు కూడా మొదలుపెట్టాడు.అయితే లూసిఫర్ చిత్ర స్క్రిప్టులో సుజీత్ చేసిన మార్పులు-చేర్పులు చిరుకు నచ్చలేదని చిత్రపురిలో వార్తలు వినిపించాయి.

దీనికి తోడు ఈ సినిమా బాధ్యతలను ఇటీవల మాస్ చిత్రాల దర్శకుడు వివి వినాయక్‌కు అప్పగించినట్లు ఇండస్ట్రీ వర్గాల్లో టాక్ వినిపించింది.దీంతో లూసిఫర్ చిత్ర రీమేక్ నుండి సుజీత్‌ను ఎందుకు తప్పించారా అనేది మిలియన్ డాలర్ ప్రశ్నగా మారింది.

అయితే ఈ రీమేక్ బాధ్యతల నుండి సుజీత్ ఎందుకు తప్పుకున్నాడు అనే అంశంపై చిరు తాజాగా క్లారిటీ ఇచ్చాడు.ఇటీవల పెళ్లి చేసుకున్న సుజీత్, తనవద్దకు వచ్చి ఈ సినిమాపై ఫోకస్ చేయలేకపోతున్నట్లు, ఈ సినిమా నుండి తాను తప్పుకుంటానని కోరినట్లు చిరంజీవి వెల్లడించారు.

దీంతో సుజీత్ కోరికను తాను ఓకే చేశానని, అందుకే ఈ సినిమా బాధ్యతలను మరో డైరెక్టర్ వివి వినాయక్‌కు అప్పగించినట్లు చిరు వెల్లడించాడు.ఇక ఈ సినిమాను మెగా పవర్ స్టార్ రామ్ చరణ్, సీనియర్ ప్రొడ్యూసర్ ఎన్వీ ప్రసాద్‌లు సంయుక్తంగా ప్రొడ్యూస్ చేస్తున్నట్లు చిరు తెలిపారు.

మొత్తానికి పెళ్లి కారణంగా సుజీత్ మెగా ప్రాజెక్ట్ నుండి బయటకు రావడంతో మెగా ఫ్యాన్స్ కొంతమేర ఆశ్చర్యానికి గురవుతున్నారు.

Follow Us on FacebookFollow Us on WhatsAppFollow Us on Twitter

తెలుగు వార్త విశేషాలు సులభముగా తెలుసుకోండి!!!!

ప్రతి రోజు ముఖ్యమైన వార్త విశేషాలు ,సినిమా,రాజకీయ విశ్లేషణలు,ఆరోగ్య సూత్రాలు,ఎన్నారై ,వీసా సమాచారం కోసం తెలుగుస్టాప్ డైలీకి Subscribe చేయండి,సోషల్ మీడియా లో ఫాలో అవ్వండి.మీ ఇమెయిల్/ఫోన్ నెంబర్(Country Code) తో నమోదు చేయండి.
Follow Us on Facebook Follow Us on WhatsApp  Follow Us on Twitter Follow Us on YouTube