మెగాస్టార్ చిరంజీవి 150వ సినిమాలో హీరోయిన్ ఎవరు? ఇప్పుడు అంతటా ఇదే చర్చ.అనుష్క, నయనతార కాదనే సరికి మెగాస్టార్ కి ఓ జోడి వెతికిపట్టడం కోసం తెగ కష్టపడుతోంది చిత్ర యూనిట్.
ఆఖరికి బాలివుడ్ భామ నర్గిస్ ఫక్రీని కూడా సంప్రదించినట్టు వార్తలు వచ్చాయి.
కాని బాలివుడ్ హీరోయిన్ వద్దని చిరంజీవే చెప్పారట.
దాంతో ఓ తెలుగమ్మాయి పేరు సజెస్ట్ చేసారట దర్శకుడు వివి వినాయక్.ఆమె పేరు శోభిత ధులిపాళ.
పేరు ఎక్కడో విన్నట్టు ఉందా? ఈ తెనాలి అమ్మాయి మాజి మిస్ ఇండియా.మిస్ ఇండియా ఎర్త్ టైటిల్ కూడా గెలుచుకుంది.
వయసు ఇంకా 24 సంవత్సరాలే.ఈమధ్యే రామన్ రాఘవ్ 2.0 అనే సినిమాతో బాలివుడ్ లోకి ఎంట్రీ ఇచ్చింది.
ఎందుకో తెలియదు కాని, ఈ తెలుగమ్మాయిపై ఇంటరెస్టు చూపించలేదట చిరంజీవి.
దాంతో కాజల్ వైపు అడుగులేసారు యూనిట్ సభ్యులు.విచిత్రంగా కాజల్ 2.50 కోట్లు అడుగుతోంది.ఈరకంగా చిరంజీవి 150వ సినిమాకి హీరోయిన్ ఎవరు ఓ పట్టాన సెట్ కావట్లేదు.
ఇంకా ఎవరెవరిని అడుగుతారో, ఎవరెవరిని రిజెక్ట్ చేస్తారో.