మెగాస్టార్ చిరంజీవి నటిస్తున్న తాజా చిత్రం ‘ఆచార్య’ ప్రస్తుతం శరవేగంగా షూటింగ్ జరుపుకుంటోన్న సంగతి తెలిసిందే.స్టార్ డైరెక్టర్ కొరటాల శివ ఈ సినిమాను తెరకెక్కిస్తుండటంతో ఈ సినిమాపై ఇండస్ట్రీ వర్గాలతో పాటు ప్రేక్షకుల్లో కూడా అదిరిపోయే అంచనాలు క్రియేట్ అయ్యాయి.
ఇక ఈ సినిమా రిలీజ్ కాకముందే చిరు, తన నెక్ట్స్ చిత్రాలను లైన్‌లో పెట్టాలని చూస్తున్నాడు.ఈ క్రమంలోనే మలయాళంలో సూపర్ హిట్ అయిన లూసిఫర్ చిత్రాన్ని తెలుగులో రీమేక్ చేసేందుకు చిరు రెడీ అవుతున్నాడు.
ఈ సినిమా డైరెక్షన్ బాధ్యత యంగ్ డైరెక్టర్ సుజీత్, అటుపై వివి వినాయక్ నుండి చివరకు తమిళ దర్శకుడు మోహన రాజా చేతుల్లోకి వచ్చి పడింది.
అయితే ఈ సినిమాలో చిరు చాలా పవర్‌ఫుల్ పాత్రలో నటించనున్నాడని చిత్ర వర్గాలు చెబుతున్నాయి.
ఈ క్రమంలో ఈ సినిమా కోసం ఓ పవర్‌ఫుల్ టైటిల్‌ను పెట్టాలని మెగాస్టార్ భావిస్తున్నట్లు తెలుస్తోంది.దీంతో ఈ సినిమాకు ‘బైరెడ్డి’ అనే టైటిల్‌ను పెట్టాలని చిత్ర యూనిట్ ప్లాన్ చేస్తోందట.
పూర్తి పొలిటికల్ డ్రామాగా తెరకెక్కుతున్న ఈ సినిమాకు ‘బైరెడ్డి’ అనే టైటిల్ పర్ఫెక్ట్ యాప్ట్ అవుతుందని వారు భావిస్తున్నారట.అయితే ఈ టైటిల్ తెలుగు ప్రేక్షకులకు ఎంతవరకు కనెక్ట్ అవుతుందనే విషయంపై సర్వత్రా ఆసక్తి నెలకొంది.
ఈ సినిమాలో చిరు గెటప్ కూడా ఈ టైటిల్‌కు పూర్తి న్యాయం చేస్తుందని చిత్ర యూనిట్ చెబుతోంది.
మలయాళంలో సూపర్ హిట్‌గా నిలిచిన ఈ సినిమా తనకు బాగా నచ్చడంతో ఈ సినిమా తెలుగు రీమేక్ రైట్స్‌ను మెగా పవర్ స్టార్ రామ్ చరణ్ సొంతం చేసుకున్నాడు.ఇక తన తండ్రి మెగాస్టార్ అయితేనే ఈ సినిమాకు పూర్తి న్యాయం చేయగలడని చరణ్ భావిస్తున్నాడు.2021 ద్వితీయార్థంలో ఈ సినిమాను పట్టాలెక్కించేందుకు చరణ్ అండ్ టీమ్ రెడీ అవుతోంది.మరి బైరెడ్డి టైటిల్ ఈ సినిమాకు ఎంతవరకు సెట్ అవుతుందో తెలియాలంటే మాత్రం అఫీషియల్ అనౌన్స్‌మెంట్ వచ్చే వరకు వెయిట్ చేయాల్సిందే అంటున్నారు సినీ విమర్శకులు.
