మెగాస్టార్ చిరంజీవి సెకండ్ ఇన్నింగ్స్ స్టార్ట్ చేసి వేగంగా సినిమాలు చేస్తున్న విషయం తెలిసిందే.ప్రస్తుతం చిరంజీవి కొరటాల శివ దర్శకత్వంలో ఆచార్య సినిమా చేస్తున్నాడు.
ఈ సినిమా షూటింగ్ చివరి దశకు చేరుకుంది.ఇందులో చిరంజీవి తనయుడు రామ్ చరణ్ కూడా కీలక పాత్రలో కనిపించబోతున్నాడు.
ఈ సినిమాలో చిరంజీవి కి జంటగా కాజల్ అగర్వాల్.రామ్ చరణ్ కు జోడీగా పూజ హెగ్డే నటిస్తున్నారు.
అయితే ఈ సినిమా తర్వాత చిరంజీవి రెండు రీమేక్ సినిమాలకు గ్రీన్ సిగ్నల్ ఇచ్చిన విషయం తెలిసిందే.మలయాళ బ్లాక్ బస్టర్ సినిమా లూసిఫర్ ను తెలుగులో రీమేక్ చేస్తున్నాడు.
అయితే రేపు మెగాస్టార్ చిరంజీవి పుట్టిన రోజు సందర్భంగా ఈ సినిమా టైటిల్ పోస్టర్ ను మేకర్స్ విడుదల చేసారు.ఎప్పటి నుండో ఈ సినిమాకు గాడ్ ఫాదర్ అనే టైటిల్ అనుకుంటున్నట్టు రూమర్స్ వస్తున్నాయి.
అనుకున్నట్టుగానే ఈ సినిమాకు గాడ్ ఫాదర్ టైటిల్ కన్ఫర్మ్ చేసారు.అదే పేరుతొ పోస్టర్ విడుదల చేసింది చిత్ర యూనిట్.
మెగాస్టార్ అభిమానులకు ఈ సర్ప్రైజ్ గిఫ్ట్ చాలా బాగా నచ్చింది.టైటిల్ తో పాటు చిరు లుక్ కూడా రివీల్ చెయ్యడంతో అభిమానులు ఫుల్ ఖుషీగా ఉన్నారు.
ఈ పోస్టర్ లో మెగాస్టార్ లుక్ మొత్తం రివీల్ చెయ్యలేదు.చిరంజీవి ఈ పోస్టర్ లో చేతిలో గన్ పట్టుకుని కాప్ పెట్టుకుని వెనుక వైపుకు తిరిగి ఉన్నాడు.
ఈ పోస్టర్ చాలా క్రియేటివిటీగా ఉంది.ఇందులో గాడ్ ఫాదర్ లో A లెటర్ లో చిరంజీవి పిక్ పెట్టారు.ఇది చూడడానికి చాలా ఆకర్షణీయంగా ఉంది.మొత్తానికి చిరంజీవి పుట్టిన రోజు సర్ప్రైజ్ లు ఈ రోజు నుండే స్టార్ట్ అయ్యాయి.ఈ సినిమాను మోహన్ రాజా డైరెక్ట్ చేస్తున్నాడు.ఈ సినిమా పొలిటికల్ బ్యాక్ డ్రాప్ లో తెరకెక్కించ బోతున్నారు.
ఈ మధ్యనే ఈ సినిమా షూటింగ్ స్టార్ట్ అయ్యింది.