మెగాస్టార్ చిరంజీవి అంటే తెలియని వారు ఎవరూ ఉండరు.ఆయన సినిమాల కోసం ప్రేక్షకులు ఎంతగానో ఎదురుచూస్తుంటారు.
ఎలాంటి పాత్రలో అయినా అద్బుతంగా నటిస్తారు.తన డాన్సులతో ఎంతగానో అలరిస్తాడు.
ఎన్నో ఆవేశపూరిత, ఉద్వేగపూరిత భావోద్వేగాలతో తన నటనని చూపిస్తుంటాడు మెగాస్టార్ చిరంజీవి.
చిరంజీవి గారు 1978న సినీ రంగంలోకి ప్రవేశించి అప్పటి నుంచి ప్రస్తుతం వరకు తన ఎన్నో సినిమాల్లో ఎంతో అద్భుతంగా నటించాడు.
అయితే చిరంజీవి తన కెరీర్ లో కొన్ని సినిమాలు సమయం లేక ఒదులుకోగా కొన్ని సినిమాలకు షూటింగ్ ప్రారంభం అయినప్పటికి మధ్యలోనే ఆగిపోయాయి.ఆ సినిమాలు ఏంటి అనేది ఇప్పుడు చూద్దాం.
ఖైదీ నెంబర్ 150 కంటే ముందు చిరంజీవి గారు పూరి జగన్నాథ్ గారి దర్శకత్వంలో “ఆటోజానీ” సినిమాకు సిద్దమయ్యాడు కానీ ఆ సినిమా చివరి దశలో ఆగిపోయింది.ఈ సినిమా రెండవ భాగం ఆసక్తిగా లేనందున చిరంజీవి గారు ఈ చిత్రంను పక్కన పెట్టారు.కానీ ప్రస్తుతం చిరంజీవి గారు ఆటోజానీపై ఆసక్తి పెట్టగా అందులో రెండవ భాగం ఖైదీ నెంబర్ 150 కథకు అనుకూలంగా పెట్టమని పూరి జగన్నాథ్ ను కోరారు.కానీ దర్శకుడుకు పూరీ జగన్నాథ్ అందుకు ఒప్పుకోలేదు.
హాలీవుడ్ లో హిట్ అయినా ఓ సూపర్ హిట్ సినిమాను తెలుగులో సురేష్ కృష్ణ గారి దర్శకత్వంలో “అబు – బాగ్దాద్ గజదొంగ” చిత్రం షూటింగ్ ప్రారంభం కాగా ఈ చిత్రం కూడా మధ్యలో ఆగింది.ఈ చిత్రం మొదలు పెట్టి 20 కోట్లు ఖర్చు పెట్టినప్పటిలో కొన్ని అనివార్య కారణాల వల్ల సినిమా ఆగిపోయింది.
రామ్ గోపాల్ వర్మ, చిరంజీవి కాంభినేషన్ లో “వినాలని ఉంది” అనే పేరుతో చిత్రం మొదలు అవ్వగా ఆ సినిమాలో 2 పాటలను కూడా తెరకెక్కించారు.కానీ ఈ చిత్రం కూడా మధ్యలో ఆగింది.
చిరంజీవి, సింగితం శ్రీనివాస్ దర్శకత్వంలో మంచి జానపద చిత్రం “భూలోక వీరుడు” ప్రారంభం కాగా ఇది కూడా మధ్యలో ఆగింది.
ఇన్ని సినిమాలు చిరంజీవి సినీ కెరీర్ లో ఆగిపోయాయి.ఇవి కూడా పూర్తయ్యి ఉంటే చిరంజీవి ఖాతాలో మరికొన్ని హిట్ సినిమాలు ఉండేవి.