మెగాస్టార్ చిరంజీవి ప్రస్తుతం స్టార్ డైరెక్టర్ కొరటాల శివ డైరెక్షన్‌లో తన నెక్ట్స్ మూవీని రెడీ చేస్తున్నాడు.ఇప్పటికే 40 శాతం షూటింగ్ కూడా పూర్తి చేసుకున్న ఈ సినిమాకు ఆచార్య అనే టైటిల్‌ను ఫిక్స్ చేశారు చిత్ర యూనిట్.
ఇక ఈ సినిమా షూటింగ్‌ను మొదలుపెట్టక ముందే ఇందులో హీరోయిన్‌గా అందాల భామ త్రిషను సెలెక్ట్ చేశారు చిత్ర యూనిట్.కానీ సినిమా షూటింగ్ మొదలయ్యే సరికి ఆమె ఈ సినిమా నుండి కొన్ని కారణాల వల్ల వెళ్లిపోయింది.
దీంతో ఒక్కాసారిగా ఖంగుతిన్న ఆచార్య చిత్ర యూనిట్ వెంటనే తేరుకుని తమ సినిమాలో హీరోయిన్‌గా అందాల భామ కాజల్ అగర్వాల్‌ను ఓకే చేసుకున్నారు.భారీ రెమ్యునరేషన్ ఇచ్చేందుకు సైతం వారు అంగీకరించి ఈ సినిమాలో నటించేలా ఆమెను ఒప్పించారు.
కాగా చిరు సినిమా నుండి ఇలా హఠాత్తుగా వెళ్లిపోవడంతో త్రిష తీరుపై అందరూ ఆగ్రహం వ్యక్తం చేశారు.ఇక సోషల్ మీడియాలో త్రిషను మెగా ఫ్యాన్స్ ఓ రేంజ్‌లో ఏసుకున్నారు.
కాగా తాజాగా త్రిషకు చిరంజీవి ఓ ట్వీట్ చేశాడు.సోమవారం మే 4న పుట్టినరోజు జరుపుకుంటున్న త్రిషకు ఆచార్య తనదైన స్టయిల్‌లో పుట్టినరోజు శుభాకాంక్షలు తెలిపాడు.
ఇలా తన సినిమా నుండి అర్ధాంతరంగా వెళ్లిపోయిన బ్యూటీకి చిరు బర్త్‌డే విషెస్ చెప్పడంతో మెగా ఫ్యాన్స్ సంతోషం వ్యక్తం చేస్తున్నారు.చిరు అందరివాడు కాబట్టి త్రిషకు బర్త్‌డే విషెస్ చెప్పాడని, మిగతా హీరోలైతే కనీసం పట్టించుకునే వారు కూడా కాదని మెగా ఫ్యాన్స్ కాలర్ ఎగరేస్తున్నారు.
