మాజీ కేంద్ర మంత్రి కి సుప్రీం కోర్టు లో ఊరట లభించింది.2017 లో ఐఎన్ ఎక్స్ మీడియా కేసులో మాజీ కేంద్రమంత్రి పి.చిదంబరం పై సీబీఐ అవినీతి కేసు తో పాటు మనీలాండరింగ్ కేసు కూడా నమోదు చేసిన విషయం తెలిసిందే.అయితే ఈ కేసుకు సంబంధించి గత ఆగస్టు 21న ఆయనను సీబీఐ అరెస్ట్ చేయగా జ్యుడీషియల్ కస్టడీ విధించారు.
దీనితో అప్పటి నుంచి కూడా ఆయన తీహార్ జైలు లోనే కాలం గడుపుతుండగా మొత్తానికి ఈ కేసు కు సంబంధించి ఆయన కు సుప్రీంకోర్టు బెయిల్ మంజూరు చేసింది.దీంతో 105 రోజుల తర్వాత చిదంబరం తీహార్ జైలు నుంచి బయటకు రానున్నారు.
నవంబర్ 15న ఢిల్లీ హైకోర్టు బెయిల్ పిటిషన్‌ను తోసిపుచ్చడంతో చిదంబరం సుప్రీంలో దాన్ని సవాల్ చేశారు.అయితే చిదంబరం పెట్టిన పిటీషన్ పై విచారణ చేపట్టిన జస్టిస్ ఆర్.భానుమతి నేత్రుత్వంలోని ధర్మాసనం నవంబర్ 28న తీర్పును రిజర్వ్‌లో పెట్టి తాజాగా బెయిల్ మంజూరు చేస్తున్నట్లు ప్రకటించడం తో ఆయనకు పెద్ద రిలీఫ్ లభించినట్లు అయ్యింది.ఈ పిటీషన్ పై వాదనలు జరిగిన సందర్భంలో చిదంబరం కు బెయిల్ మంజూరు చేస్తే బయటకు వెళ్లి సాక్ష్యులను ప్రభావితం చేసే అవకాశం ఉందని ఈడీ తరపున సొలిసిటర్ జనరల్ తుషార్ మెహతా గట్టిగా వాదించారు.
అయితే నిరాధార ఆరోపణలతో చిదంబరాన్ని జైల్లో పెట్టాలనుకోవడం సరికాదని ఆయన తరుపున సీనియర్ న్యాయవాదులు కపిల్ సిబల్,ఏంఎం సింఘ్వీ వాదించడం తో మొత్తానికి సుప్రీం కోర్టు చిదంబరం కు బెయిల్ మంజూరు చేస్తూ తీర్పు వెల్లడించింది.దీనితో చిదంబరం తీహార్ జైలు నుంచి బయటకురానున్నారు అన్నమాట.
తెలుగు వార్త విశేషాలు సులభముగా తెలుసుకోండి!!!!
