తల లేని కోడి, నిజంగా ఇలా తల లేకుండా కోడి బతికి బట్టకట్టి ఉంటుందా అని ఆలోచిస్తున్నారా.నిజంగానే 1945 వ సంవత్సరంలో ఈ ఘటన చోటుచేసుకుంది.
ఒక కోడి తల లేకుండా జీవించిందట.వివరాల్లోకి వెళితే….1945 ఏప్రిల్ 20 న మైక్ అనే కోడి పుట్టింది.అయితే సెప్టెంబర్ 10,1945 న కొలరాడో లోని లాయిడ్ ఒల్సెన్ చికెన్ వండుకుందామని 5 నెలల మైక్ ని ఇంటికి తెచ్చుకున్నాడు.
ఈ క్రమంలో దానిని చంపడానికి గొడ్డలి తో ఒక వేటు కూడా వేశాడు.అయితే దాని తల పూర్తిగా కట్ అవ్వకపోగా,ముఖ్యంగా తలా నుంచి శరీరానికి మెదడు సిగ్నల్స్ పంపించే జగ్లర్ వెయిన్ కట్ అవ్వకపోవడం తో మైక్ లాయిడ్ నుంచి తప్పించుకుని పరుగులు పెట్టింది.
దీనితో దానిని పట్టుకోవాలని లాయిడ్ ప్రయత్నించినప్పటికీ అది చిక్కకపోవడం అలానే దాని అరుపులు కూడా విన్న తరువాత లాయిడ్ తన నిర్ణయాన్ని మార్చుకొని దానిని బతికించాలని భావించాడు.దీనితో ఓ చెవి, చాలావరకూ మెదడు కూడా కోడి మెడతోపాటే ఉండిపోవడం తో కళ్లలో చుక్కలు వేసేందుకు ఉపయోగించే ఐ డ్రాపర్‌తో కోడి మెడలోకి పాలు, నీళ్లూ పోశాడు.అదే విధంగా… చిరు ధాన్యాలు, మొక్కజొన్న, చిన్న చిన్న పురుగుల్ని కూడా ఓ సిరంజి గొట్టం ద్వారా మెడలోంచీ పొట్టలోనికి పోనిచ్చాడు.దీనితో కోడి కూడా బతకడం తో ఈ విషయం మొత్తం మెల్లమెల్లాగా ఊరంతా తెలిసింది.
అప్పట్లో ఈ విషయం తెలుసుకున్నవారంతా అబద్ధమని కొట్టిపా రేసినప్పటికీ ఆ తరువాత విషయం తెలుసుకొని మైక్ ని చూడడానికి తండోప తండాలు గా వచ్చేవారట.డజన్ల కొద్దీ మేగజైన్లూ, పేపర్లూ ఈ విషయాన్ని ప్రచురించాయి.తలలేని మైక్‌ని చూపించాలంటే… 25 సెంట్లు (ఇప్పుడైతే రూ.15) ఇవ్వాలని లాయిడ్ ఒక కండీషన్ కూడా పెట్టాడు.
అయినప్పటికీ జనాలు మాత్రం తగ్గకుండా మైక్ ని చూడడానికి వచ్చేవారట.అలా లాయిడ్ నెలకు $4,500 (రూ.3,19,659) (ఇప్పటి లెక్కల ప్రకారం రూ.35,87,284) సంపాదించేవాడు.ఫలితంగా మైక్ విలువ అప్పట్లో $10,000 (రూ.7,10,353) పలికింది.చివరికి ఆ కోడి 18 నెలలు అలానే తల లేకుండా బతికినట్లు తెలుస్తుంది.
తెలుగు వార్త విశేషాలు సులభముగా తెలుసుకోండి!!!!
