చలికాలంలో పెదాలు తేమగా ఉండాలంటే.... సూపర్ ఆయిల్స్   Chapped Lips Natural Oils     2018-07-11   00:33:20  IST  Lakshmi P

చలికాలం రాగానే పెదవులు పగలటం,పొడిగా మారి చాలా ఇబ్బందులను పెడతాయి. దాంతో ముఖం అందవిహీనంగా మారుతుంది. ఈ సమస్య నుండి బయట పడటానికి ఎన్నో రకాల క్రీమ్స్ మార్కెట్ లో అందుబాటులో ఉన్నా కొన్ని రకాల నూనెలతో సులువుగా ఇంటిలోనే పరిష్కారం చేసుకోవచ్చు. ఈ నూనెలతో తేమ గుణాలు ఎక్కువగా ఉండుట వలన పెదాలను పొడిగా లేకుండా తేమగా ఉంచుతాయి. ఇప్పుడు ఆ నూనెల గురించి వివరంగా తెలుసుకుందాం.

బాదం నూనె పగిలిన,పొడిగా మారిన పెదాలకు బాదం నూనె మంచి ఉపశమనాన్ని కలిగిస్తుంది. రాత్రి పడుకొనే సమయంలో పెదాలకు కాస్త బాదం నూనెను రాసుకోవాలి. బాదం నూనె చర్మలోని మృత కణాలను తొలగించి తేమగా ఉండేలా చేస్తుంది.

జొజోబా నూనె ఈ నూనె పెదవులకు మాలిక్యులేటింగ్ ఏజెంట్ గా పనిచేసి పెదాలను తేమగా ఉంచుతుంది. ఈ నూనెలో యాంటీ ఆక్సిడెంట్స్ సమృద్ధిగా ఉంటాయి. అందువల్ల పెదాలను తేమగా ఉంచటానికి బాగా సహాయపడుతుంది. కొన్ని చుక్కల జొజోబా ఆయిల్ ని పంచదారలో కలిపి పెదాలకు రాసి 5 నిముషాలు అయ్యాక చల్లని నీటితో శుభ్రం చేయాలి.

మింట్ ఆయిల్ పెదాలను తేమగా ఉంచటంలో మింట్ ఆయిల్ చాల బాగా సహాయపడుతుంది. ఈ నూనె సులభంగా పెదాలలో శోషించబడుతుంది పొడిని కలిగించే మలినాలను తొలగించి తేమగా ఉంచుతుంది. కొబ్బరి నూనె తో కొన్ని చుక్కల మింట్ ఆయిల్ ని కలిపి మీ పెదాలపై రాసి 5 నిమిషాల తర్వాత శుభ్రం చేసుకోవాలి. ఈ విధంగా వారానికి మూడు సార్లు చేయాలి.