జయహో బీసీ : ఉత్తరాంధ్రలో ఊపు వస్తుందా ...?

ఇటీవల టీడీపీ నిర్వహించిన జయహో బీసీ ప్రభావం విశాఖ జిల్లాలో గట్టిగానే ఉందని టీడీపీ నాయకులు అంచనా వేస్తున్నారు.ఈ నాలుగు అసెంబ్లీ సీట్లలో గవర సామాజిక వర్గం ఎక్కువగా ఉంది.విశాఖ పశ్చిమం, పెందుర్తి, అనకాపల్లి, ఎలమంచిలి అసెంబ్లీ సీట్లలో ఈసారి టీడీపీ, వైసీపీ మధ్యన గట్టి పోటీ జరిగే అవకాశాలు ఉన్నాయి.

ఎపుడైతే ప్రత్యేక గవర కార్పోరేషన్ అంటూ టీడీపీ ప్రకటన చేసిందో ఈ వర్గాల్లో మెజారిటీ తమవైపు మళ్ళుతారని టీడీపీ అంచనా వేస్తోంది.అనోకోకుండా టీడీపీకి ఈరెంజ్ లో మద్దతు దక్కడంతో … వైసీపీ ఆందోళన చెందుతోంది.

అందుకే ఇప్పుడు ప్రజలకు వాస్తవాలు చెప్పి సానుభూతి పెంచుకోవాలని వైసీపీ ప్లాన్ చేస్తోంది.వాస్తవానికి కులానికో ప్రత్యేక కార్పోరేషన్లు అన్న ఆలోచన తమ నవరత్నాల పధకంలో తాము ప్రకటించిన అంశమేనని … దాన్ని టీడీపీ కాపీ కొట్టేసింది అని వైసీపీ గగ్గోలు పెడుతోంది.

అంతే కాకుండా బీసీలకు వైఎస్సార్ చేసిన మేలు ఎవరూ చేయలేదు అంటూ… కొత్త సెంటిమెంట్ రగిల్చే పనిలో పడ్డారు వైసీపీ నాయకులు.