పంతం నెరవేరుతోందా ? బాబు ఇల్లు కూలుతోందిగా

  కరకట్ట పై లింగమనేని గెస్ట్ హౌస్ తో పాటు 31 అక్రమ కట్టడాలు సీఆర్డీఏ అధికారులు గుర్తించి గతంలోనే నోటీసులు కూడా ఇచ్చారు.ఆ తర్వాత వారిని పిలిపించి వారు చెప్పే విషయాలను కూడా పరిగణలోకి తీసుకున్నారు.సుమారు 20 కట్టడాలకు సంబంధించి వాదనలు విని ఐదు కట్టడాలను కూల్చివేయాలని నిర్ణయించి నోటీసు జారీ చేశారు.వారం రోజుల్లోగా ఆ కట్టడాలను యజమానులే కూల్చివేయాలని, లేకపోతే సి ఆర్ డి ఏ రంగంలోకి దిగి చర్యలు తీసుకుంటుందని కూడా ఆ నోటీసుల్లో పేర్కొన్నారు.

ప్రస్తుతం వీటిలో శివ స్వామి ఆశ్రమంలో రెండు కట్టడాలు, ఆక్వా డెవిల్స్ పేరుతో ఒక కట్టడం, మరో మూడు అంతస్తుల భవనాలు ఉన్నట్టు అధికారులు చెబుతున్నారు.అయితే బాబు నివాసం కక్షపూరితంగా కూల్చివేస్తున్న తప్ప ఇందులో ప్రజా ప్రయోజనం ఏమీ లేదని, టీడీపీ నాయకులు ఆరోపిస్తున్నారు.

దీనిపై తీవ్రస్థాయిలో వైసీపీ మీద పోరాటం చేయడంతో పాటు, ప్రజల్లోకి ఈ విషయాన్ని బలంగా తీసుకెళ్లాలని తెలుగుదేశం పార్టీ భావిస్తోంది.