టీని ఇష్టపడని వారు ఎవరు లేరు.టీలలో కూడా చాలా రకాలు ఉన్నాయి.
బ్లాక్టీ , గ్రీన్ టీ, వైట్ టీ, అల్లం టీ, చామంతి టీ ఇలా ఎన్నో రకాల టీలు ఉన్నాయి.అయితే వీటిలో ఈ రోజు చామంతి టీ గురించి తెలుసుకుందాం.
చామంతి టీ త్రాగటం వలన మనకు ఎన్ని ఆరోగ్య ప్రయోజనాలు కలుగుతాయో తెలుసుకుంటే ఖచ్చితంగా ఆశ్చర్యపోతారు.ముందుగా చామంతి టీ ఎలా తయారుచేయాలో తెలుసుకుందాం.
చామంతి పూలను ఎండబెట్టి పొడి చేసి నీటిలో వేసి మరిగించి డికాషన్ తయారుచేయాలి.చామంతి టీ ఉపయోగాలు తెలుసుకుందాం.
చామంతి టీలో వాపు వ్యతిరేక లక్షణాలు ఉండుట వలన ఎన్నో చర్మ సమస్యల నివారణలో ఉపయోగపడుతుంది.సమస్య ఉన్న ప్రాంతంలో చామంతి టీని రాసి 5 నిమిషాల పాటు మసాజ్ చేయాలి.
చర్మాన్ని శుభ్రపరచి సహజమైన బ్లీచ్ గా, మాయిశ్చరైజర్ గా పనిచేసి చర్మాన్ని కాంతివంతంగా ఉండేలా చేస్తుంది.
చామంతి టీలో యాంటీసెప్టిక్, వాపు వ్యతిరేక లక్షణాలు ఉండుట వలన మొటిమలను తగ్గించటమే కాకుండా కొత్తగా మొటిమలు రాకుండా చేస్తుంది.
చామంతి టీలో ఉండే యాంటీ ఆక్సిడెంట్లు చర్మాన్ని ఫ్రీ రాడికల్స్ వల్ల వచ్చే నష్టం నుండి కాపాడి కొత్త కణాలు ఏర్పడటానికి సహాయపడుతుంది.
కంటి కింద నల్లటి వలయాలు ఉన్నవారికి చామంతి టీ గొప్ప వరం అని చెప్పవచ్చు.ప్రతి రోజు రాత్రి పడుకొనే ముందు చామంతి టీని కంటి కింద నల్లటి వలయాలు ఉన్న ప్రదేశంలో రాస్తూ ఉంటే మంచి ఫలితం కనపడుతుంది.ఇలా ఒక వారం పాటు చేస్తే ఆ తేడా చూసి మీరే ఆశ్చర్యపోతారు.