ఏపీలో రైతులకు ఉచిత విద్యుత్ లేనట్టేనా ? జగన్ కు కేంద్రం షరతులు ?

ఈ పరిస్థితుల్లో రాష్ట్రం అప్పులు తీసుకునే లిమిట్ కూడా దాటిపోవడంతో, ఇకపై అప్పులు చేయాలంటే తప్పనిసరిగా కేంద్రం నుంచి అనుమతులు తీసుకోవాల్సిందే.అలా తీసుకోవాలంటే కేంద్రం విధించిన నియమ నిబంధనలు తప్పనిసరిగా పాటించాలి. ఎఫ్ఆర్బీఎం రుణ పరిమితి 5 శాతానికి పెంచుకోవాలంటే కేంద్రం పెట్టిన షరతుల్లో భాగమైన ఉచిత విద్యుత్తును రాష్ట్ర ప్రభుత్వం ఎత్తివేసేందుకు అంగీకారం తెలిపినట్లు తెలుస్తోంది.ఈ మేరకు ఎఫ్ఆర్బిఎం పరిమితిని 5 శాతానికి పెంచుతూ ప్రత్యేకంగా ఓ ఆర్డినెన్స్ ను ఏపీ ప్రభుత్వం త్వరలోనే తీసుకురాబోతోందట.

దీనికి కేంద్రం ఓకే చెప్పాలంటే ఉచిత విద్యుత్ ను ఎత్తివేస్తూ తప్పనిసరిగా నిర్ణయం తీసుకోవాల్సి ఉంటుంది.అలా తీసుకుంటేనే కేంద్రం కొత్త అప్పులు చేసేందుకు అనుమతి ఇచ్చే అవకాశం ఉండడంతో, ఉచిత విద్యుత్ కు మంగళం పాడాలని ఏపీ ప్రభుత్వం సంచలన నిర్ణయం తీసుకున్నట్లు గా ప్రచారం జరుగుతోంది.

ప్రభుత్వం ఉచిత విద్యుత్తుకు మంగళం పాడినా, ఆ సొమ్మును రైతుల బ్యాంకు ఖాతాకు జమ చేస్తామని చెప్పి, రైతులు ఆగ్రహానికి గురికాకుండా, ఏపీ ప్రభుత్వం తప్పించుకునే అవకాశం కూడా కనిపిస్తోంది.

అంటే బిల్లులను ప్రభుత్వం చెల్లించడం లేదా రైతులు ఆ బిల్లులను చెల్లిస్తే, తిరిగి ఆ సొమ్ములను వారి బ్యాంక్ అకౌంట్ లో ఆ సొమ్మును వేసే విధంగా చేయడమో చేయాల్సి ఉంటుంది.

అలా కాకుండా రైతులకు ఊరట ఇచ్చే విధంగా ఏ నిర్ణయం తీసుకోకపోతే, రైతుల నుంచి తీవ్ర వ్యతిరేకత మూట కట్టుకోవలసి ఉంటుంది.