రామ చిలుకలు చూడటానికి ఎంతో అందంగా ఉంటాయి.వాటి చిలుక పలుకులు ముచ్చట తెప్పిస్తాయి.
వాటికి చక్కగా పేర్లు, ఇతర పదాలు, మాటలు నేర్పిస్తే చక్కగా పలుకుతాయి కూడా.దాని పలుకులు వింటుంటే భలే సరదాగా అనిపిస్తుంది.
చాలా మంది చిలుక పలుకులు వినేందుకు ఇష్టపడుతుంటారు.కానీ ఆ వ్యక్తికి మాత్రం చిలక పలుకులు అంటే చిరాకు.
అది మాట్లాడుతుంటేనే విసుక్కుంటాడు.అందుకే కేసు పెట్టాడు.
ఎవరా వ్యక్తి.ఎందుకు కేసు పెట్టాడు.
ఎవరిపై కేసు పెట్టాడో తెలుసుకోవాలని ఉందా.
ఓపెన్ చేస్తే అది మహారాష్ట్ర రాష్ట్రంలోని పుణె నగరం.అక్కడి శివాజీ నగర్ ప్రాంతంలో నివాసం ఉంటున్నాడు సురేష్ శిందే.72 ఏళ్ల వృద్ధుడు సురేష్ శిందే.జీవిత చరమాంకంలో ప్రశాంతంగా జీవించాలనుకున్నాడు.కానీ ఉండలేకపోయాడు.
చెవిలో ఎప్పుడూ ఒకటే గోల.ఒక రోజు, రెండు రోజులు కాదు రోజూ అదే గోల.ఏంటీ ఈ కాకి గోల అనుకున్నాడు.పక్కింట్లో ఉండి కాకి గోల చేసేది.
రామ చిలుక అని తెలుసుకున్నాడు.దానిని అక్బర్ అంజద్ ఖాన్ అనే వ్యక్తి ఎంతో ఇష్టంగా పెంచుకుంటున్నాడు.
చాలా గారాబంగా చూసుకుంటున్నాడు.రోజూ పండ్లు ఫలాలు తెచ్చి దానికి పెడుతున్నాడు.
అది పంజరంలో ఉండి అరుస్తుంటే ముచ్చటపడుతున్నాడు.రోజూ రామ చిలుక అరుపులు పక్క ఇంట్లో ఉన్న సురేష్ శిందేకు ఇబ్బంది పెట్టినట్లున్నాయి.
అంతే ఖడ్కే పోలీసు స్టేషన్ కు వెళ్లి దాని ఓనర్ అక్బర్ అంజద్ ఖాన్ పై ఫిర్యాదు చేశాడు.