వివరాల్లోకి వెళితే, కాలిఫోర్నియాకి చెందిన మార్క్ పాల్సన్( Mark Paulson ) అనే వ్యక్తి 1970 నుండి “డొమైన్ డి లా రోమనీ-కాంటి లా టాచే”( Domaine de la Romanie-Conti la Tache ) అనే మద్యం బాటిల్‌ను దశాబ్దాలుగా నేలమాళిగలో కార్డ్‌బోర్డ్ పెట్టెలో పెట్టి దాచి ఉంచాడు.అప్పట్లో పాల్సన్ దానిని కేవలం 250 డాలర్లు అంటే ఈరోజు 20 వేల రూపాయలు పెట్టి కొన్నాడు.దీని ప్రకారం, దీని ధర ఇప్పటికి మహాకాకపోతే $1,889 ఉండాలి.కానీ పాతది కావడంతో వేలంలో అది ఏకంగా $106,250 కంటే ఎక్కువ ధరకు విక్రయించబడింది.అంటే, ఈ వ్యక్తి కేవలం ఒక మద్యం బాటిల్‌ తో మన ఇండియన్ కరెన్సీలో రూ.87,91,815.63 సంపాదించుకోగలిగాడన్నమాట.

అనుకున్న ధర కంటే రెట్టింపు ధర రావడంతో మనోడి ఆనందానికి అవధులు లేకుండా పోతున్నాయి.వేలం సంస్థ బోన్‌హామ్ స్కిన్నర్ ప్రకారం, ఆ వ్యక్తి మార్చిలో తను ఇప్పటి వరకు ఓపెన్‌ చేయని 50 ఏళ్ల వైన్ బాటిల్‌ తన వద్ద ఉందని చెప్పగా ఈసారి ఆ బాటిల్‌ని వేలం వేయాలని నిర్ణయించుకున్నట్టుగా వారు తెలిపారు.సదరు బాటిల్ $50,000-$80,000 మధ్య అమ్ముడవుతుందని వారు అంచనా వేయగా అది రికార్డు స్థాయిలో $106,250కి విక్రయించబడింది.

ఇది చాలా అరుదైన వైన్ అని, ప్రపంచ వ్యాప్తంగా ఈ రకమైన వైన్ 1300 సీసాలు మాత్రమే ఉన్నట్టుగా ఈ సందర్భంగా వెల్లడించారు.