మెగా ఫ్యామిలీ నుండి వస్తున్న కొత్త హీరో వైష్ణవ్ తేజ్ నటిస్తున్న తాజా చిత్రం ఉప్పెన ఇప్పటికే రిలీజ్ కావాల్సి ఉంది.కానీ కరోనా వైరస్ కారణంగా ఈ సినిమా రిలీజ్ వాయిదా పడింది.
ఈ సినిమాతో డైరెక్టర్‌గా పరిచయం అవుతున్నాడు బుచ్చిబాబు సానా. క్రియేటివ్ డైరెక్టర్ సుకుమార్ అసిస్టెంట్ అయిన బుచ్చిబాబు డైరెక్టర్‌గా మారి చేస్తున్న ఈ సినిమాతో బాక్సాఫీస్ వద్ద అదిరిపోయే ఎంట్రీ ఇచ్చేందుకు రెడీ అయ్యాడు.
పూర్తి రొమాంటిక్ ఎంటర్‌టైనర్ మూవీగా ‘ఉప్పెన’ చిత్రాన్ని బుచ్చిబాబు తెరకెక్కించిన తీరు మెగా పవర్ స్టార్ రామ్ చరణ్‌ను బాగా ఇంప్రెస్ చేసింది.అంతేగాక ఉప్పెన చిత్రంలో బుచ్చిబాబు మ్యూజిక్ సెలెక్షన్ కూడా చరణ్‌ను బాగా ఇంప్రెస్ చేసింది.
దేవిశ్రీ ప్రసాద్ అందించిన సంగీతంలోని ‘నీ కన్ను నీలి సముద్రం’ పాట సాధించిన సక్సెస్‌తో చరణ్ ఫుల్ హ్యాపీగా ఉన్నాడట.తన కుటుంబానికి చెందిన హీరోకు ఇలాంటి పాట పడటంతో చరణ్ బుచ్చిబాబు ట్యాలెంట్‌కు ఓ అవకాశం ఇవ్వాలని చూస్తున్నాడు.
ఇప్పటికే బుచ్చిబాబు చెప్పిన ఓ కథను చరణ్ విన్నాడని, ఆయనతో ఖచ్చితంగా సినిమా చేస్తానని చెప్పినట్లు ఇండస్ట్రీ వర్గాల్లో వార్తలు వినిపిస్తున్నాయి.మరి చరణ్‌కు బుచ్చిబాబు ఎలాంటి కథను వినిపించాడు, అసలు ఉప్పెన కాకుండా మరో కథను బుచ్చిబాబు ఎప్పుడు రెడీ చేశాడు అనే సందేహం అటు మెగా ఫ్యాన్స్‌తో పాటు ప్రేక్షకుల్లో సైతం నెలకొనడంతో, ఈ వార్తల్లో ఎంతవరకు నిజం ఉందో తెలియాలంటే అఫీషియల్ అనౌన్స్‌మెంట్ వచ్చే వరకు ఆగాల్సిందే.
