తన తల్లి రుణం తీర్చుకునేందుకు ఏం చేసినా తక్కువ అంటారు.జన్మనిచ్చిన తల్లి కోసం ఎంతో మంది ఎన్నో చేశారంటూ మనం ఇప్పటి వరకు వార్తల్లో చూశాం, నిజ జీవితంలో కూడా చూస్తూ వచ్చాం.
ఇప్పటి వరకు తల్లుల కోసం పిల్లలు చేసిన త్యాగాలు, సాహసాల ముందు ఇప్పుడు నేను చెప్పబోతున్న వ్యక్తి చేసిన సాహసం చాలా పెద్దది.ఇప్పటి వరకు ఇలా ఎవరు కూడా చేసి ఉండరు.
తన తల్లి కోసం తల్లిలా మారిన వ్యక్తి కథ ఇది.బ్రెజిల్లో జరిగిన ఈ సంఘటన ప్రస్తుతం ప్రపంచ వ్యాప్తంగా వైరల్ అవుతోంది.
పూర్తి వివరాల్లోకి వెళ్తే.బ్రెజిల్కు చెందిన హీటర్ షియావ్ 45 ఏళ్ల వ్యక్తి తన తల్లికి డ్రైవింగ్ లైసెన్స్ ఇప్పించేందుకు చాలా ప్రయత్నాలు చేశాడు.తల్లికి కోరిక అయిన డ్రైవింగ్ను నేర్పించాడు.ఆమె రోడ్లపై షికారు చేయాలంటే లైసెన్స్ తప్పనిసరిగా ఉండాలి.కాని తల్లి మారియా డ్రైవింగ్ లైసెన్స్ కోసం డ్రైవింగ్ టెస్టులో మూడు సార్లు పాల్గొని మూడు సార్లు కూడా ఫ్లాప్ అయ్యింది.మరో రెండు సార్లు మాత్రమే ఆమెకు చాన్స్ ఉంటుంది.
దాంతో హీటర్ షియాన్కు విచిత్రమైన ఆలోచన వచ్చింది.
తన తల్లి అక్కడకు వెళ్లగానే టెన్షన్ పడుతుంది.వారి ముందు డ్రైవింగ్ చేయలేక పోతుంది.అందుకే ఆమె స్థానంలో తాను వెళ్లాలనుకున్నాడు.
ఆమెలా డ్రస్సింగ్ అయ్యాడు.ఆమె డ్రస్ వేసుకుని 60 ఏళ్ల మహిళగా మారిపోయాడు.
డాక్యుమెంట్లో ఉన్న ఆమె రూపంలోకి మారేందుకు చాలా జాగ్రత్తగా మేకప్ వేసుకున్నాడు.డ్రైవింగ్ టెస్టుకు వెళ్లాడు.
అక్కడ డ్రైవింగ్ టెస్టు పూర్తి అయిన తర్వాత అతడు మారియా కాదని అధికారులు గుర్తించారు.
అధికారులు వెంటనే పోలీసులను పిలిపించారు.
తన తల్లి డ్రైవింగ్ టెస్ట్ కోసం అతడు రావడం, అది కూడా డ్రస్ వేసుకుని మోసం చేసేందుకు ప్రయత్నించాడంటూ చీటింగ్ కేసు పెట్టారు.బ్రెజిల్లో చీటింగ్ కేసుకు మూడు నుండి అయిదు సంవత్సరాల వరకు శిక్షలు ఉంటాయి.
దాంతో ఇప్పుడు హీటర్కు ఎంత కాలం శిక్ష పడుతుందా అంటూ అంతా బాధతో ఎదురు చూస్తున్నారు.జనాలు మాత్రం తల్లి కోసం చేసిన పనిగా భావించి వదిలేయాలంటూ కోరుతున్నారు.
మరి కోర్టులు ఎలా ఈ విషయంలో తీర్పు ఇస్తాయో చూడాలి.