ఒకానొక సమయంలో సినిమా హిట్ అయిందంటే ఆ సినిమాలో బ్రహ్మానందం ఉండేవాడు.ఆ సినిమా పెద్ద సినిమా లేదా చిన్న సినిమా అనే తేడా లేకుండా తన హవాని నడిపాడు.
అయితే ఈ మధ్య కాలంలో బ్రహ్మానందం లేకపోయినా సినిమాలు హిట్ అవుతున్నాయి.ఒకప్పుడు హిట్ కి కేరాఫ్ అడ్రస్ గా ఉండేవాడు.
ఇప్పుడు ఆ పరిస్థితి లేదు.ఇక్కడ పరిస్థితి ఇలా ఉంటె… పొరుగు రాష్ట్రాల్లో క్రేజ్ పెరిగింది.
కమల్ హాసన్ ‘శభాష్ నాయుడు’ సినిమాలో బ్రహ్మి ఒక కీలకమైన పాత్రను పోషిస్తున్నాడు.అంతేకాక కన్నడలో తెరకెక్కుతున్న ఓ ప్రెస్టీజియస్ ప్రాజెక్టులో కూడా బ్రహ్మికి ఒక కీలకమైన పాత్ర దక్కింది.
మాజీ ప్రధాని దేవెగౌడ మనవడు.మాజీ సీఎం కుమారస్వామి తనయుడు అయిన నిఖిల్ గౌడ హీరోగా 50 కోట్ల భారీ బడ్జెట్ తో ‘జాగ్వార్’ అనే సినిమా తెరకెక్కుతున్న విషయం తెలిసిందే.
ఆ సినిమాలో బ్రహ్మి అవకాశాన్ని దక్కించుకున్నాడు.
ఇప్పటివరకు తెలుగులో తన హవాను చాటిన బ్రహ్మానందం ఇక పొరుగు రాష్ట్రాల్లో తన సత్తా ఏమిటో చెప్పటానికి రెడీ అవుతున్నాడు.
టాలెంట్ ఉంటే బాష సమస్య కాదని ఎక్కడైనా రాణించవచ్చని బ్రహ్మి కెరీర్ ఉదాహరణ.
