టాలీవుడ్‌లో విభిన్న కథాంశాలతో తెరకెక్కుతున్న చిత్రాలకు ప్రేక్షకులు ఎప్పుడూ పట్టం కడుతూ వస్తున్నారు.ఇక ఇటీవల కాలంలో చిన్న బడ్జెట్ చిత్రాలు తమదైన కంటెంట్‌తో ప్రేక్షకులను మెస్మరైజ్ చేయడంలో సక్సె్స్ అవుతుండటంతో దర్శకనిర్మాతలు ఈ తరహా చిత్రాలతో ప్రేక్షకులను మెప్పించే ప్రయత్నం చేస్తున్నారు.
కాగా తాజాగా ఇలాంటి కోవలోనే ‘బాయ్‌ఫ్రెండ్ ఫర్ హైర్’ అనే సినిమా తెరకెక్కుతోంది.విశ్వంత్ దుడ్డుంపూడి, మాళవికా సతీషన్ హీరోహీరోయిన్లుగా ఈ సినిమా వస్తుండగా, తాజాగా ఈ సినిమా ఫస్ట్ లుక్ పోస్టర్‌ను చిత్ర యూనిట్ రిలీజ్ చేశారు.
ఈ పోస్టర్ ఆసక్తికరంగా ఉండటంతో ప్రేక్షకుల్లో ఈ సినిమాపై మంచి అంచనాలు క్రియేట్ అవుతున్నాయి.సాధారణంగా తమ గర్ల్‌ఫ్రెండ్‌ను బాయ్‌ఫ్రెండ్ ఎత్తుకుంటారు.కానీ ఈ సినిమాలో రివర్స్‌లో జరుగుతుంది.తన బాయ్‌ఫ్రెండ్‌ను భుజంపై ఎత్తుకుంది హీరోయిన్ మాళవిక.
అంతేగాక అతడిని అద్దెకు ఇస్తానంటూ ఈ సినిమా క్రేజీ టైటిల్‌తో సోషల్ మీడియాలో ఈ పోస్టర్ చక్కర్లు కొడుతోంది.సంతోష్ కంభంపాటి డైరెక్ట్ చేస్తున్న ఈ సినిమా షూటింగ్ ఇప్పటికే పూర్తవగా, సరైన సమయంలో ఈ సినిమాను రిలీజ్ చేసేందుకు చిత్ర యూనిట్ ప్లాన్ చేస్తోంది.
ఇక ఈ సినిమాలో బిగ్‌బాస్ ఫేం పూజా రామచంద్రన్ ఓ కీలక పాత్రలో నటిస్తోంది. పూర్తి రొమాంటిక్ కామెడీ ఎంటర్‌టైనర్‌గా రానున్న ఈ సినిమాలో ప్రేమికుల మధ్య సాగే కామెడీ ప్రేక్షకులను కడుపుబ్బా నవ్విస్తుందని చిత్ర యూనిట్ ధీమా వ్యక్తం చేస్తోంది.
గోపీ సుందర్ సంగీతం అందిస్తున్న ఈ సినిమాను నిరంజన్ రెడ్డి, వేణు మాధవ్ పెద్ది సంయుక్తంగా ప్రొడ్యూస్ చేస్తున్నారు.తమ సినిమాలోని కంటెంట్ ఈ జెనరేషన్ ఆడియెన్స్‌ను ఖచ్చితంగా మెప్పి్స్తుందని వారు అంటున్నారు.
మరి ఫస్ట్ లుక్ పోస్టర్‌తో ఆకట్టుకుంటున్న ఈ సినిమా రిలీజ్ తరువాత ఎలాంటి రెస్పాన్స్ దక్కించుకుంటుందో చూడాలి.
