నందమూరి బాలకృష్ణ-బోయపాటి శ్రీను కాంబినేషన్ లో హ్యాట్రిక్ సినిమా తెరకెక్కుతున్న సంగతి తెలిసిందే.ఈ సినిమాలో కూడా బాలకృష్ణ మరోసారి ద్విపాత్రాభినయం చేస్తున్నాడు.
ఓ పాత్రలో ఇప్పటి వరకు కనిపించని విధంగా బాలకృష్ణ అఘోరా గెటప్ లో కనిపించనున్నాడు అని తెలుస్తుంది.ఇక ఈ సినిమా కథ ఫాంటసీ ఎలిమెంట్ తో ఉంటుందని తెలుస్తుంది.
అలాగే బోయపాటి, బాలకృష్ణ కాంబినేషన్ లో వచ్చిన గత సినిమాల మాదిరిగానే హై ఒల్టేజ్ యాక్షన్ నేపధ్యంలోనే ఉంటుందని సమాచారం.ఇక ఇందులో బాలయ్యకి జోడీగా ఓ కొత్త భామని బోయపాటి పరిచయం చేయబోతున్నాడు.
లాక్ డౌన్ తర్వాత ఈ సినిమా సెట్స్ పైకి వెళ్ళబోతుంది.ఈ సినిమా షూటింగ్ కి బోయపాటి అంతా సిద్ధం చేశాడు.ఇప్పుడు ఈ సినిమా టైటిల్ ఫిక్స్ అయినట్లుగా తెలుస్తుంది.ఈ సినిమాకు మోనార్క్ అనే టైటిల్ ఫిక్స్ చేశారని బాలకృష్ణ పుట్టినరోజు జూన్ 10న ఈ టైటిల్ అనౌన్స్ చేస్తారని టాక్ వినిపిస్తుంది.
ఇక గతంలో వీరిద్దరి కాంబినేషన్ లో వచ్చిన సింహ, లెజండ్ సినిమాల తరహాలోనే పవర్ ఫుల్ గా ఉండాలంటే, అది కూడా కథకి యాప్ట్ అయ్యే విధంగా ఉండాలని ఈ మోనార్క్ టైటిల్ ని ఫిక్స్ చేసినట్లు చెప్పుకుంటున్నారు.మరి ఇది ఎంత వరకు నిజం అనేది తెలియాలంటే బాలయ్య పుట్టినరోజు వరకు వేచి చూడాల్సిందే.