బాలీవుడ్ బాద్షా షారుక్ ఖాన్ నటించిన పఠాన్ సినిమా ఇటీవల ప్రేక్షకుల ముందుకు వచ్చిన విషయం తెలిసిందే.దాదాపు నాలుగు సంవత్సరాలుగా బాలీవుడ్ కి సరైన సక్సెస్ లేక పోవడంతో పఠాన్ పూర్వ వైభవాన్ని బాలీవుడ్ కి తీసుకొస్తుందని అంతా భావించారు.
అనుకున్నట్లుగానే పఠాన్ సినిమా ఏకంగా 400 కోట్ల రూపాయల కలెక్షన్స్ నమోదు చేయడం జరిగింది.
చాలా తక్కువ సమయం లోనే భారీగా కలెక్షన్స్ నమోదు చేసిన పఠాన్ సినిమా బాలీవుడ్ కి పూర్వ వైభవంను తీసుకొచ్చిందా అంటే అనుమానమే అన్నట్లుగా కొందరు సినీ విశ్లేషకుల అభిప్రాయం వ్యక్తం చేస్తున్నారు.కేవలం వివాదాల కారణంగా పఠాన్ సినిమా భారీ ఓపెనింగ్స్ ని సొంతం చేసుకుంది.దీపికా పడుకొనే యొక్క కాషాయం బికినీ కారణంగా వివాదం రాజుకున్న విషయం తెలిసిందే.
పఠాన్ సినిమా ను బహిష్కరించాలంటూ పెద్ద ఎత్తున ఆందోళనలు జరిగాయి.కానీ అదే సినిమాకు అనూహ్యంగా భారీ కలెక్షన్స్ ని తెచ్చిపెట్టింది.
500 కోట్ల రూపాయల కలెక్షన్స్ ని పఠాన్ సొంతం చేసుకున్నా కూడా బాలీవుడ్ లో రాబోయే సినిమాలు గడ్డు పరిస్థితిని ఎదుర్కోవాల్సిన పరిస్థితి ఉంటుంది అంటూ విశ్లేషకుల అభిప్రాయం చేస్తున్నారు.బాలీవుడ్ ప్రేక్షకులు మంచి కంటెంట్ తో సినిమాలు తీస్తే ఖచ్చితంగా థియేటర్లకు వస్తారు అనేది మరోసారి నిరూపితమైంది.
సౌత్ సినిమాలని చూసేందుకు ఆసక్తి చూపిస్తున్న బాలీవుడ్ ప్రేక్షకులు అలాంటి మాస్ ఎలిమెంట్ తో హిందీలో సినిమా తీస్తే పఠాన్ కి సక్సెస్ ని కట్టబెట్టినట్లుగా ఆ సినిమాలకు కూడా కమర్షియల్ సక్సెస్ లను కట్టబెట్టే అవకాశాలు ఉన్నాయి.మరి ముందు ముందు కూడా బాలీవుడ్ లో పఠాన్ వంటి సినిమా లు వచ్చి భారీ విజయాలను సొంతం చేసుకుంటాయా అనేది చూడాలి.బాలీవుడ్ కు ఈ ఏడాది మినిమంగా అయినా వసూళ్లు నమోదు అవుతాయా అనేది ఆసక్తికరంగా మారింది.