హిందీ లో ఎంతగానో పాపులర్ అయినటువంటి బిగ్ బాస్ రియాలిటీ గేమ్ షో మొదటి సీజన్లో కంటెస్టెంట్ గా పాల్గొని విజేతగా నిలిచిన బాలీవుడ్ ప్రముఖ నటుడు రాహుల్ రాయ్ ఇటీవలే బ్రెయిన్ స్ట్రోక్ రావడంతో హాస్పిటల్ లో చేరిన సంగతి అందరికీ తెలిసిందే.దీంతో అభిమానులు మరియు పలువురు సెలబ్రిటీలు రాహుల్ రాయ్ తొందరగా కోలుకోవాలని అంటూ సోషల్ మీడియా మధ్యమాలలో దేవుడిని ప్రార్థించారు.
కాగా తాజాగా రాహుల్ రాయ్ తన బ్రెయిన్ స్ట్రోక్ సమస్య నుంచి పూర్తిగా కోలుకున్నట్లు తన అధికారిక ఇన్స్టాగ్రామ్ ఖాతా ద్వారా తెలిపాడు. అంతేగాక తానూ తొందరగా కోలుకోవాలని కోరుకున్న ప్రతీ అభిమానికి మరియు సెలెబ్రెటీకి ధన్యవాదాలు తెలిపాడు.
ఈ విషయానికి సంబందించిన ఓ వీడియోని కూడా షేర్ చేశాడు.అంతేగాక తాను బ్రెయిన్ స్ట్రోక్ తో బాధపడుతున్నప్పుడు నానావతి ఆసుపత్రి సభ్యులు తనను ఎంతో బాగా చూసుకున్నారని అందుకుగాను వారికి కూడా కృతజ్ఞతలు తెలియజేశారు.
కాగా తాను ప్రస్తుతం పూర్తిగా ఆరోగ్యంగా ఉన్నానని కానీ మరి కొంతకాలం పాటు విశ్రాంతి అవసరమని వైద్యులు చెప్పినట్లు తెలిపాడు.ఈ విషయం ఇలా ఉండగా రాహుల్ రాయ్ ప్రస్తుతం హిందీ లో ప్రముఖ దర్శకుడు మెహి కను దర్శకత్వం వహిస్తున్న “ఆగ్రా” అనే చిత్రంలో హీరోగా నటిస్తున్నాడు. ఈ చిత్రంలో రాహుల్ రాయ్ కీలక పాత్ర పోషిస్తున్నాడు.కాగా రాహుల్ రాహుల్ బ్రెయిన్ స్ట్రోక్ నుంచి పూర్తిగా కోలుకోవడంతో యధావిధిగా ఈ చిత్ర షూటింగ్ పనుల్లో పాల్గొనబోతున్నట్లు సమాచారం.