మామూలుగా సినిమాలు థియేటర్ లో విడుదల అవుతున్నాయి అంటే ఆ సినిమా బడ్జెట్ ను బట్టి పలువురు దర్శక నిర్మాతలు ఆ సినిమా ప్రమోషన్స్ ను నిర్వహిస్తూ ఉంటారు.ఈ క్రమంలోనే కొందరు దర్శక నిర్మాతలు గ్రాండ్ గా ప్రమోషన్స్ ను నిర్వహిస్తే, ఇంకొందరు సింపుల్ గా ప్రమోషన్స్ నిర్వహిస్తూ ఉంటారు.
ఇకపోతే ఈ మధ్యకాలంలో ఇంటర్నెట్ డేటా తగ్గి అందరికీ అందుబాటులోకి రావడంతో, ఓటీటీ లు, యూట్యూబ్ లతో చాలామంది డబ్బులు సంపాదిస్తున్నారు.
థియేటర్లలో విడుదలయ్యే సినిమాలు కాకుండా డిజిటల్ గా విడుదల అయ్యే షోలు, సాంగ్స్ కి కూడా ప్రమోషన్స్ చేస్తున్నారు.
ఈ మధ్య కాలంలో ఇలాంటివి ఎక్కువగా జరుగుతున్నాయి అని చెప్పవచ్చు.ఇది ఇలా ఉండగా తాజాగా బాలీవుడ్ బ్యూటీ నియా శర్మ నటించిన ఒక సాంగ్ యూట్యూబ్ లో విడుదల అయింది.
అయితే ఈ పాట విడుదల అయ్యి రెండు రోజులు కూడా కాకముందే 4 మిలియన్ లకు పైగా వ్యూస్ వచ్చాయి.లక్షల్లో లైక్స్ కూడా వచ్చాయి.
ఈ క్రమంలోనే దీని ప్రమోషన్స్ లో భాగంగా సల్మాన్ ఖాన్ హోస్ట్ గా వ్యవహరిస్తున్న బిగ్ బాస్ కి వెళ్ళింది ఈ బ్యూటీ.
ఇక తాజాగా ముంబై లోనే ఆటోరిక్షా డ్రైవర్ తో కలిసి తాను చేసిన సాంగ్స్ కి డాన్స్ వేసింది.నడి రోడ్డుపై ఆటో డ్రైవర్ తో కలిసి పబ్లిక్ లో అందరూ చూస్తుండగానే ఆ పాటకు స్టెప్పులు ఇరగ దీసింది.ఇందుకు సంబంధించిన వీడియోని సోషల్ మీడియాలో షేర్ చేయగా ఆ వీడియో పై నెటిజన్లు రక రకాలుగా స్పందిస్తున్నారు.
అందరూ ఆ వీడియో పాజిటివ్ గా స్పందించగా, ఇంకొందరు మాత్రం ఆ వీడియో పై నెగిటివ్ గా స్పందిస్తున్నారు.కొందరు కామెడీగా ఉంది అంటూ విమర్శలు చేస్తున్నారు.
మొత్తానికి ఈ వీడియో మాత్రం సోషల్ మీడియాలో తెగ వైరల్ అవుతోంది.