పవన్ ఇష్టానికే అన్నీ వదిలేసిన బీజేపీ ! 

ఈ సందర్భంగా కేంద్ర బీజేపీ అగ్ర నేతలైన ప్రధాని నరేంద్ర మోది, అమిత్ షాలను కలిసేందుకు పవన్ ప్రయత్నించారు.  కానీ అది సాధ్యం కాకపోవడంతో,  ఏపీ బీజేపీ వ్యవహారాల ఇన్చార్జి మురళీధరన్ తో పాటు,  బిజెపి జాతీయ అధ్యక్షుడు జేపీ నడ్డాతో( J.P.Nadda ) సమావేశం అయ్యారు.  దీంతో కర్ణాటక ఎన్నికలలో ప్రచారానికి దింపేందుకు బిజెపి పెద్దలు ఢిల్లీకి పిలిపించారనే ప్రచారం ఏపీలో జరిగింది.అయితే ఇప్పుడు బిజెపి ప్రకటించిన స్టార్ క్యాంపైనార్ల లిస్టులో పవన్ కళ్యాణ్ లేకపోవడంతో,  అప్పట్లో పిలిచింది కర్ణాటక ఎన్నికల ప్రచారానికి కాదని,  ఏపీ వ్యవహారాలకు సంబంధించి చర్చించారని అర్థమవుతుంది.

అయితే వారు ఏం చర్చించారు దానికి ఏ విధంగా స్పందించాలి అనేది క్లారిటీ లేకపోయినా,  ఇప్పుడు తాము రూట్ మ్యాప్ ఇచ్చేశామని, ఆ రూట్ మ్యాప్ గురించి పవన్ ను అడగాలంటూ బిజెపి పెద్దలు చెబుతుండడం చూస్తుంటే టిడిపిని  కలుపుకు వెళ్లేందుకు పవన్ ప్రయత్నిస్తున్నా, బీజేపీ అందుకు అంగీకరించకపోవడం , ఏపీలో బీజేపీ,జనసేన మాత్రమే ఎన్నికల్లో పోటీ చేస్తాయనే విషయమే జనసేన కి బీజేపీ ఇచ్చిన రూట్ మ్యాప్ గా అర్ధం అవుతోంది.