పక్కాగా ప్లాన్ చేసుకుంటున్న బిజెపి.. సిద్దిపేటలో అమిత్ షా బహిరంగ సభ 

తెలంగాణ అసెంబ్లీ ఎన్నికల్లో బిజెపి ప్రభావం చూపించలేకపోయినా,  పార్లమెంట్ ఎన్నికల్లో( Parliament elections ) మాత్రం సత్తా చాటుకోవాలనే పట్టుదలతో ఉంది.

వీలైనన్ని ఎక్కువ ఎంపి స్థానాలను గెలుచుకోవడమే లక్ష్యంగా బిజెపి అగ్ర నేతలు తెలంగాణపై ప్రత్యేకంగా ఫోకస్ పెట్టారు.

ప్రస్తుతం తెలంగాణలో బీఆర్ఎస్ ప్రభావం బాగా తగ్గడంతో , కాంగ్రెస్ , బిజెపిల మధ్య ప్రధానంగా పోటీ ఉంటుందని బిజెపి అగ్ర నేతలు అంచనా వేస్తున్నారు.అందుకే తెలంగాణలోని పార్లమెంట్ ఎన్నికలపై ప్రత్యేకంగా ఫోకస్ చేశారు.

ఈ మేరకు రేపు గురువారం కేంద్ర హోం మంత్రి అమిత్ షా తెలంగాణకు రాబోతున్నారు.రేపు మధ్యాహ్నం 12 గంటలకు సిద్దిపేటలో నిర్వహించే భారీ బహిరంగ సభలో అమిత్ షా( Amit Shah ) పాల్గొని ప్రసంగించనున్నారు.

మెదక్ బిజెపి ఎంపీ అభ్యర్థి రఘునందన్ రావు కు మద్దతుగా ఎన్నికల ప్రచారం చేయనున్నారు.