ప్రతి రోజు చాలామంది మనలో ఉదయాన్నే నిద్ర లేవడానికి అలారం ఉపయోగిస్తాం.ఇలా ఉపయోగించిన వారిలో చాలామంది చిరాకు పడుతూనే అలారం ఆఫ్ చేసి మరలా పడుకోవడం లేకపోతే, పనులకు పరిగెత్తడం చేస్తూ ఉంటారు.
అయితే తాజాగా ఓ పక్షికి మాత్రం ఈ అలారం ట్యూన్స్ వింటే మంచి జోష్ వస్తోంది.అవును అలారం కు సంబంధించిన ఏ రింగ్ టోన్ అయినా సరే వినపడిందో దానికి తగ్గట్టుగా ఈ పక్షి డాన్స్ వేస్తుంది.
తాజాగా ఓ అమెరికన్ మాజీ బాస్కెట్ బాల్ ఆటగాడు రెక్స్ చాప్మన్ తన అధికారిక ట్విట్టర్ ఖాతా ద్వారా 42 సెకన్ల పాటు ఉన్న ఓ వీడియోను పోస్ట్ చేశాడు.ఇక ఆ వీడియోలో తన ఫోన్లో ఉన్న ఒక్కో అలారం రింగ్ టోన్ మారుతూ ఉంటే దానికి తగ్గట్టుగా పక్షి డాన్స్ వేస్తోంది.
అందులో కూడా ఒక రింగ్ టోన్ కి ఒక్కోరకంగా డాన్స్ చేస్తుంది ఆ పక్షి.
ప్రస్తుతం ఈ వైరల్ వీడియో సామాజిక మాధ్యమాలలో హల్ చల్ చేస్తోంది.
ఇక ఈ వీడియోకు ” వేర్వేరు అలారం రింగ్ టోన్ లకు రకరకాలుగా నిత్యం చేస్తున్న ఈ పక్షి అందరినీ కచ్చితంగా అలరిస్తోంది” అంటూ ఓ ట్యాగ్ తో ఈ వీడియోను షేర్ చేశాడు.ఇక అంతే ఈ వీడియో చూసిన నెటిజన్లు వారి స్టైల్ లో కామెంట్లు చేస్తున్నారు.
కొందరు నెటిజన్స్ ఈ పక్షి చాలా బాగా డాన్స్ వేస్తుందని, మరికొందరైతే ఆ పక్షి నాకన్నా చాలా బాగా డాన్స్ వేస్తుంది అంటూ ఫన్నీ కామెంట్స్ చేస్తున్నారు.
