కళ్యాణ్ రామ్ హీరోగా మల్లిడి వశిష్ట్ డైరెక్షన్ లో తెరకెక్కిన బింబిసార మూవీ ఈరోజు థియేటర్లలో విడుదలైంది.నందమూరి హీరోలలో ఒకరైన కళ్యాణ్ రామ్ కెరీర్ లో ఈ సినిమా బిగ్గెస్ట్ హిట్ గా నిలిచే ఛాన్స్ అయితే ఉందని ఈ సినిమా టాక్ ద్వారా అర్థమవుతోంది.
కేథరిన్, సంయుక్త మీనన్ హీరోయిన్లుగా నటించగా సోషల్ మీడియాలో ఈ సినిమాకు సంబంధించి పాజిటివ్ టాక్ స్ప్రెడ్ అవుతోంది.సోషియో ఫాంటసీ జోనర్ లో ఈ సినిమా తెరకెక్కింది.
బింబిసార మూవీ కథ విషయానికి వస్తే కళ్యాణ్ రామ్ బింబిసారుడిగా రాజ్యంలో ఏ మాత్రం మానవత్వం, జాలి, దయ, కరుణ లేకుండా పరిపాలన సాగిస్తుంటారు.అయితే టైమ్ ట్రావెల్ చేయడం ద్వారా ప్రస్తుత కాలానికి వచ్చిన బింబిసార ప్రస్తుత సమాజంలో ఉన్న పరిస్థితులను చూసి మారడంతో పాటు తన రాజ్యంలో ఏ విధంగా పరిపాలన సాగించాడో ఈ సినిమాలో ప్రస్తావించారు.
అన్ని ఏరియాల నుంచి ఈ సినిమాకు పాజిటివ్ టాక్ వినిపిస్తోంది.
కళ్యాణ్ రామ్ అభిమానులు కాలర్ ఎత్తుకునే విధంగా ఈ సినిమా ఉండనుందని సమాచారం అందుతోంది.
కళ్యాణ్ రామ్ ఇంట్రడక్షన్ సీన్ అదుర్స్ అని ఫస్టాఫ్ తో పోలిస్తే సెకండాఫ్ మరింత బాగుందని నెటిజన్లు కామెంట్లు చేస్తున్నారు.కీరవాణి తన బీజీఎంతో ఈ సినిమాకు ప్రాణం పోశారని మరి కొందరు అభిప్రాయం వ్యక్తం చేస్తున్నారు.అయితే పాటల ప్లేస్మెంట్స్ విషయంలో మరిన్ని జాగ్రత్తలు తీసుకుని ఉంటే బాగుండేదని కామెంట్లు వ్యక్తమవుతున్నాయి.
విజువల్ ఎఫెక్ట్స్ తో కూడిన సన్నివేశాలు కొన్ని మెప్పిస్తే మరికొన్ని మెప్పించలేదని కామెంట్లు వినిపిస్తున్నాయి.దర్శకుడు మల్లిడి వశిష్ట్ ఈ సినిమాతో స్టార్ డైరెక్టర్ స్టేటస్ ను సొంతం చేసుకోవడం ఖాయమని కామెంట్లు వ్యక్తమవుతున్నాయి. కళ్యాణ్ రామ్ ఖాతాలో సక్సెస్ చేరడంతో అభిమానులు సంతోషిస్తున్నారు.