తెలుగు లో ప్రసారం అవుతున్న బిగ్ బాస్ నాన్ స్టాప్ షో రోజురోజుకీ రసవత్తరంగా మారుతోంది.బిగ్ బాస్ షో చూస్తుండగానే ముగింపు దశకు చేరుకుంది.
అయితే ఫైనల్స్ దగ్గరపడుతుండడంతో కంటెస్టెంట్ ల మధ్య పోటీ నువ్వానేనా అన్న విధంగా జరుగుతోంది.హౌస్ లో ఉన్న కంటెస్టెంట్ లు ఎలా అయినా సరే టాప్ ఫైవ్ లో నిలవాలి అని గట్టిగానే ప్రయత్నిస్తున్నారు.
ఇదిలా ఉంటే బిగ్ బాస్ షో ప్రారంభం నుంచి మాస్టర్ ఒంటరిగా పోరాడుతూ వస్తున్న విషయం తెలిసిందే.తాను ఒంటరిగా పోరాడటమే కాకుండా అవసరమైనప్పుడు తన ఫ్రెండ్స్ కు కూడా సహాయం చేశాడు నటరాజ్ మాస్టర్.
కానీ తాజాగా జరిగిన టాస్క్ లో తనకు బదులుగా అఖిల్ వేరొకరికి సహాయం చేసి అతడిని గెలిపించడాన్ని నట్రాజ్ మాస్టర్ తట్టుకోలేకపోయాడు.గెలుపు తనదే అనుకున్న సమయంలో ఓటమి పాలు కావడంతో ఆ బాధను భరించలేక పోయాడు నట్రాజ్ మాస్టర్.
ఈ క్రమంలోనే బాధపడ్డాడు, ఎమోషనల్ అయ్యాడు, కోపంతో ఊగిపోయాడు.తాజాగా బిగ్ బాస్ ఇచ్చిన బీబీ ఆవుల కొట్టం టాస్క్ లో అఖిల్ నట్రాజ్ మాస్టర్ ల మధ్య చిన్న ఫైట్ జరిగింది.
ఈ టాస్క్ లో మాస్టర్ తన చేయిని నెట్టేస్తుండటంతో అఖిల్ తన పాలన్ని కూడా ఒలక బోసాడు.
నీకు అత్యాశ ఎక్కువ అని అఖిల్ ఫైర్ అవ్వడంతో దీనికి నటరాజ్ స్పందిస్తూ.నన్ను ఎక్కడైతే కొట్టకూడదో అక్కడ కొట్టేశావు, దేవుడున్నాడు, నా కష్టానికి ఫలితం దక్కింది అని మాట్లాడాడు.నటరాజ్ మాటలను బట్టి అతడు ప్రేక్షకులను ఓట్లు అడిగే అవకాశాన్ని గెల్చినట్లు తెలుస్తోంది.
మరి అఖిల్, నటరాజ్ మధ్య మాటల యుద్ధం ఎంతవరకు వెళ్లింది? వీళ్లు తిరిగి కలిసిపోయారా? లేదా? అన్నదీ తెలియాలి అంటే ఎపిసోడ్ వచ్చే వరకు వేచి చూడాల్సిందే మరి.