టాలీవుడ్ బిగ్గెస్ట్ రియాలిటీ షో బిగ్ బాస్ సీజ‌న్ 4లో ఏడో వారం కొన‌సాగుతున్న విష‌యం తెలిసిందే.కింగ్ నాగార్జున హోస్ట్‌గా ఇటీవ‌ల ప్రారంభ‌మైన ఈ షో రోజురోజుకు రంజుగా కొన‌సాగుతోంది.
కొత్త కొత్త టాస్కుల‌ను బిగ్ బాస్ ఇస్తుంటే.వాటిని ఏదో ఒక విధంగా విజ‌యవంతం చేసి శ‌భాష్ అనిపించుకుంటున్నారు ఇంటి స‌భ్యులు.
ఇక నిన్న‌టి ఎపిసోడ్‌లో బిగ్ బాస్ ఇంటి సభ్యులకు రెండు టాస్కుల‌ను ఇచ్చాడు.అందులో మొదటిది మ్యాట్రస్‌ టాస్క్.
ఇంటి సభ్యులకు ఒక మెత్తటి పరుపును ఇచ్చాడు బిగ్‌బాస్‌.స్టాట్‌ బజర్ మోగగానే ఇంటి సభ్యులంతా కలిసి ఆ పరుపు మీద పడుకోవాలని సూచించారు.ఎండ్ బజర్ మోగే సమయానికి ఎవరైతే పరుపుపై పూర్తిగా పడుకుంటారో వాళ్లు గెలుస్తార‌ని బిగ్ బాస్ వివ‌రించారు.ఇక బజర్ మోగగానే ప‌రుపుపైకి దూకిన ఇంటి స‌భ్యులు.
ఒక‌రిని ఒక‌రు కింద‌కు తోసేస్తూ ర‌చ్చ ర‌చ్చ చేశారు.
అయితే చివ‌ర‌కు ఈ టాస్క్‌లో దివి విజేత‌గా నిలిచింది.
ఇక టాస్క్‌లో విజ‌యం సాధించిన దివికి బిగ్ బాస్ బంపర్ ఆఫ‌ర్ ఇచ్చారు.మ్యాట్రస్‌ టాస్క్ విజేత ఈ వారం మొత్తం ఆ పరుపు మీద నిద్రించ‌వ‌చ్చ‌ని బిగ్ బాస్ తెలిపారు.
అంతేకాకుండా, ఉదయం అందరిలా కాకుండా ఓ గంట సేపు ఎక్స్‌ట్రాగా పడుకోవచ్చునని అదిరిపోయే ఆఫ‌ర్ ఇచ్చారు.
అయితే వాస్త‌వానికి పోయిన మూడు సీజ‌న్స్‌లోనూ ఏ కంటెస్టెంట్‌కు బిగ్ బాస్ ఇలాంటి ఆఫ‌ర్ ఇవ్వ‌లేదు.
కానీ, తాజా సీజ‌న్‌లో దివి ఈ బంపర్ ఆఫ‌ర్‌ను కొట్టేసింది.ఇక ఆ టాస్క్ పూర్తి అయిన తర్వాత ఇంటి సభ్యులకు బిగ్ బాస్ బ్లాక్‌బస్టర్ సినిమా తీయాలంటూ టాస్క్ ఇచ్చాడు.
ఈ టాస్క్‌ను కూడా కిందా మీదా ప‌డి ఎలాగోలా ఇంటి స‌భ్యులు పూర్తి చేసేశారు.
