బుల్లితెర రియాలిటీ షో బిగ్ బాస్ షో నుంచి ఎలిమినేట్ అయిన కంటెస్టెంట్లకు ఇంకా రెమ్యునరేషన్లు అందలేదా.? అనే ప్రశ్నకు అవుననే సమాధానం వినిపిస్తోంది.అందరు కంటెస్టెంట్లకు కాదు కానీ గంగవ్వ, జోర్దార్ సుజాతలకు మాత్రం ఇప్పటివరకు రెమ్యునరేషన్ అందలేదని కాంట్రాక్ట్ లో ఉన్న నిబంధనలే ఇందుకు కారణమని సమాచారం.వాస్తవానికి గంగవ్వ ఇల్లు కట్టుకోవాలనే కోరిక వల్ల బిగ్ బాస్ హౌస్ కు వచ్చింది. అయితే బిగ్ బాస్ హౌస్ వాతావరణం పడకపోవటం, అనారోగ్య సమస్యల వల్ల గంగవ్వ ఊహించని విధంగా ఎలిమినేట్ అయింది.గంగవ్వ బిగ్ బాస్ హౌస్ లో ఉండి ఉంటే చివరి వారం వరకు ఉండేదని చాలామంది భావిస్తున్నారు.
అయితే గంగవ్వ ఇల్లు కట్టుకోవాలనే కోరికను మాత్రం నాగార్జున నెరవేరుస్తానని బిగ్ బాస్ వేదికగా హామీ ఇచ్చాడు.దీంతో గంగవ్వకు రెమ్యునరేషన్ ఇస్తారో లేదో తెలియాల్సి ఉంది.
బిగ్ బాస్ షో పూర్తైన తరువాత గంగవ్వ ఇంటి పనులు మొదలయ్యే అవకాశం ఉందని తెలుస్తోంది.అయితే జోర్దార్ సుజాతకు ఎలిమినేట్ అయిన 15 రోజుల తర్వాత రెమ్యునరేషన్ ఇస్తామని అగ్రిమెంట్ కుదుర్చుకున్నారని.
ఆ ప్రకారమే చెల్లించబోతున్నారని ప్రచారం జరుగుతోంది.కొందరు కంటెస్టెంట్లకు రోజుల లెక్కన పారితోషికం చెల్లిస్తే మరికొందరు సెలబ్రిటీలకు మాత్రం వారాల లెక్కల ప్రకారం పారితోషికం చెల్లించనున్నారని తెలుస్తోంది.
బిగ్ బాస్ నిర్వాహకులు గతంలో కంటెస్టంట్ల బ్యాంకు ఖాతాలలో నగదు జమ చేయగా ప్రస్తుతం చెక్కుల రూపంలో పేమెంట్లు ఇస్తున్నారని సమాచారం. దసరా పండుగ వల్ల జోర్దార్ సుజాతకు చెక్కు అందడంలో ఆలస్యం జరగగా గంగవ్వకు ఏ విధంగా అందజేస్తారో తెలియాల్సి ఉంది.
గంగవ్వ తనకు సొంతూరైన లంబాడీపల్లెలోనే ఇల్లు కావాలని.మరోచోట ఇల్లు కట్టించినా ప్రయోజనం ఉండదని చెబుతోంది.