స్టార్ సింగర్ రాహుల్ సిప్లిగంజ్, బిగ్ బాస్ 3 విన్నర్ రెండు రోజుల క్రితం బిగ్ బాస్ సీజన్ 2 కంటెస్టెంట్ అషురెడ్డితో డేటింగ్ లో ఉన్నట్టు ఇన్స్టాగ్రామ్ ఖాతాలో పోస్ట్ పెట్టిన సంగతి తెలిసిందే. బిగ్ బాస్ సీజన్ 3 సమయంలో రాహుల్ పునర్నవి మధ్య ఏదో ఉందని వార్తలు రాగా చాలామంది ప్రేక్షకులు ఆ వార్తలు నిజమేనని నమ్మారు.
రాహుల్ పునర్నవి పెళ్లి చేసుకునే అవకాశం ఉందని బిగ్ బాస్ ఫ్యాన్స్ భావించారు.అయితే ఊహించని విధంగా రాహుల్ అషురెడ్డితో డేటింగ్ లో ఉన్నట్టు చేసిన ప్రకటన బిగ్ బాస్ ఫ్యాన్స్ ను అవాక్కయ్యేలా చేశారు.
గత కొంతకాలం నుంచి రాహుల్ సిప్లిగంజ్, అషు రెడ్డి ప్రైవేట్ పార్టీల్లో, బయట కనిపిస్తున్నారు.జూనియర్ సమంతగా పేరు తెచ్చుకున్న అషురెడ్డి బిగ్ బాస్ షో ద్వారా పాపులర్ అయ్యారు.
అషురెడ్డి సినిమా ఛాన్సులు కూడా వచ్చినా ఎందుకో ఈమె సినిమాలపై పెద్దగా ఆసక్తి చూపించలేదు.నితిన్ హీరోగా నటించిన ఛల్ మోహనరంగ సినిమాలో చిన్న పాత్రలో అషు రెడ్డి నటించగా ఆ సినిమా తరువాత మరే సినిమాలో కనిపించలేదు.
తాజాగా అషు రెడ్డి పెట్టిన పోస్ట్ గురించి రాహుల్ సిప్లిగంజ్ స్పందించి స్పష్టతనిచ్చారు.అషురెడ్డి రాహుల్ సిప్లిగంజ్ తో కలిసి దిగిన ఫోటోను ఇన్స్టాగ్రామ్ ఖాతా ద్వారా షేర్ చేస్తూ సమయం వచ్చినపుడు నిజాలు తెలుస్తాయని పేర్కొంది.అషురెడ్డి చేసిన పోస్ట్ గురించి రాహుల్ సిప్లిగంజ్ స్పందిస్తూ సమయం ఎప్పుడు వస్తుంది బేబీ అని రిప్లై ఇచ్చాడు.తాజా పరిణామాల ద్వారా వీళ్లిద్దరూ ఒకరినొకరు లవ్ చేసుకుంటున్నారని అర్థమవుతోంది.
భవిష్యత్తులో అషు రెడ్డి, రాహుల్ సిప్లిగంజ్ పెళ్లి చేసుకున్నా ఆశ్చర్యపోవాల్సిన అవసరం లేదు.అషురెడ్డి గతంలోనే ఒక వ్యక్తిని ప్రేమించగా కొన్ని కారణాల వల్ల ఆ వ్యక్తితో బ్రేకప్ అయింది.
ఆ సమయంలో డిప్రెషన్ బారిన పడ్డ అషురెడ్డి ఒత్తిడిని తగ్గించుకోవడానికి వాడిన మందుల వల్ల సన్నగా ఉన్న అషురెడ్డి బొద్దుగా మారింది.